شہر قائد کے ساحل سمندر پر پھنسے بہری جہاز ہینگ ٹونگ 77  کو نکالنے کی تمام تر کوششیں ناکامی کا شکار ہوچکی ہیں۔

تفصیلات کے مطابق اب تک ریسکیو کے 3 آپریشن کیے جاچکے ہیں جبکہ آج تیسرے آپریشن کا چوتھا روز ہے۔

ڈی جی پورٹ اینڈ شپنگ کا کہنا ہے کہ سیلویج کمپنی کو جہاز نکالنے کے لیے  دو سے تین دن کا وقت دیا جائے گا، سیلویج کمپنی آئندہ تین روز تک جہاز نہ نکال سکی تو قانونی راستہ اختیار کیا جائے گا۔

ان کا مزید کہنا ہے کہ  جہاز کے مالک نے پیسے بچانے کے غیر ملکی ایکسپرٹ کے بجائے ناتجربہ کار ٹیم سے  کام کرانے پر زور دیا تھا۔

ڈی جی پورٹ اینڈ شپنگ نے یہ بھی بتایا ہے کہ جہاز کی مالیت اس وقت دو ملین ڈالر کے قریب ہے۔

واضح رہے کہ گزشتہ روز بھی جہاز کو نکالنے کے لئے پرانی رسی  استعمال کی گئی تھی جو ٹوٹ گئی تھی لیکن اگر گزشتہ روز 2 مظبوط اور نئے رسے استعمال کیے جاتے تو جہاز نکالنے  کامیابی ہوسکتی تھی۔