گورنر ہاؤس کراچی میں سندھ کابینہ میں شامل کئے جانے والے چار نئے وزراء سے گورنر سندھ نے حلف لیا۔
تفصیلات کے مطابق گورنر ہاؤس کراچی میں سندھ کابینہ میں شامل کئیے جانے والے وزراء کی تقریب حلف برداری کا انعقاد کیا گیا۔
گورنر سندھ عمران اسماعیل نے وزراءسے حلف لیا۔
حلف لینے والے وزراء میں اراکین صوبائی اسمبلی گیان چند عیسارانی عرف گیانو مل، محمد ساجد جوکھیو، سید ضیاءعباس شاہ اور جام خان شورو شامل تھے۔
اس موقع پر گورنر سندھ عمران اسماعیل نے کہا کہ حلف کی پاسداری مذہبی اور قومی فریضہ ہے اور میں امید کرتا ہوں کہ سندھ کابینہ کے اراکین آئین کی بالادستی، قانون کی حکمرانی اور گڈ گورنینس کے لئے خلوص نیت کے ساتھ اپنی تمام تر صلاحیتوں کو بروئے کار لائینگے۔
گورنر سندھ نے کابینہ میں شامل نئے وزراءکو مبارکباد بھی پیش کی۔
تقریب میں اسپیکر سندھ اسمبلی آغا سراج دررانی، وزیر اعلی سندھ سید مراد علی شاہ، اراکین قومی و صوبائی اسمبلی، چیف سیکریٹری سندھ سید ممتاز علی شاہ سمیت دیگر بھی شریک تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
