وزیر خزانہ شوکت ترین نے کہا کہ زرعی شعبے میں پیداوار اور آمدن بڑھانے کے پہلو پر خصوصی توجہ ہے۔

تفصیلات کے مطابق وزیر خزانہ شوکت ترین کی سربراہی میں اجلاس ہوا جس میں سیکرٹری صنعت نے یوریا کھاد کی پروڈکشن اور ذخائر سے متعلق تفصیلی بریفنگ دی۔

ذرائع کے مطابق اجلاس میں وزیر توانائی حماد اظہر، مشیر خزانہ اور مشیر فوڈ سکیورٹی سمیت دیگر افسران نے شرکت کی۔

وزیر خزانہ شوکت ترین نے کہا کہ حکومت غریب کسانوں کو زرعی پیداوار بڑھانے کیلئے ضروری سہولیات فراہم کرے گی۔

اجلاس میں وزیر توانائی حماد اظہر نے فرٹیلائزر پلانٹس کیلئے مکمل تعاون کی یقین دہانی کروائی۔