آرٹیکلز
-
وزیراعلیٰ خیبرپختونخوا کی پولیو ٹیم پر فائرنگ کے واقعے پر مذمت
-
صحیح سمت کیلیے مساوی تعاون ناگزیر ہے، شہباز شریف کا ریاض میں کانفرنس سے خطاب
-
وزیراعظم اور سعودی ولی عہد کی ملاقات، پاک سعودی اقتصادی تعاون کے نئے فریم ورک پر اتفاق
-
وزیراعظم آزاد کشمیر کو مستعفی ہونے کا پیغام، پیپلز پارٹی نے آج کی مہلت دے دی
Advertisement
وزیر اعلیٰ خیبر پختونخوا محمود خان نے کوہاٹ میں پولیو ٹیم پر فائرنگ کے واقعے کی مذمت کی ہے۔
تفصیلات کے مطابق وزیراعلیٰ خیبر پختونخوا محمود خان نے واقعے میں پولیو ٹیم کی سکیورٹی پر مامور پولیس اہلکار کی شہادت پر اظہار تعزیت کیا ہے۔
وزیراعلیٰ خیبر پختونخوا محمود خان نے شہید اہلکار کے اہل خانہ سے دلی ہمدردی کا اظہار بھی کیا ہے اس کے علاوہ وزیراعلیٰ خیبر پختونخوا محمود خان نے شہید کے درجات کی بلندی اور پسماندگان کے لئے صبر جمیل کی دعا بھی کی ہے۔
وزیر اعلیٰ خیبر پختونخوا محمود خان نے کہا ہے کہ پولیو ٹیم پر فائرنگ کے واقعے کے مجرمان قانون کی گرفت سے بچ نہیں سکتے، پولیو ٹیم پر فائرنگ کرنے والے ہمارے بچوں کے دشمن ہیں۔
وزیر اعلیٰ خیبر پختونخوا محمود خان نے کہا ہے کہ ایسے بزدلانہ واقعات سے پولیو ٹیموں کے حوصلے پست نہیں ہونگے، صوبائی حکومت صوبے سے پولیو وائرس کے خاتمے کے لئے پر عزم ہے۔
Advertisement
واضح رہے کہ وزیراعلی خیبر پختونخوا محمود خان نے پولیس کو فائرنگ میں ملوث عناصر کی فوری گرفتاری کے لئے ضروری اقدامات کی ہدایت بھی دی ہے۔
خیال رہے کہ کل کوہاٹ ڈھل بہزادی میں پولیو ٹیم کی سکیورٹی پر مامور کانسٹیبل ساجد پر نامعلوم افراد نے فائرنگ کرکے انہیں شہید کردیا تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
