وزیراعظم کی زیر صدارت وفاقی کابینہ کا اجلاس شروع ہوگیا

اسفا سروت

28th Sep, 2021. 12:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم کی زیر صدارت وفاقی کابینہ کا اجلاس شروع ہوگیا

وزیراعظم عمران خان کی زیر صدارت وفاقی کابینہ کا اجلاس شروع ہوگیاہے۔

تفصیلات کے مطابق وزیراعظم عمران خان کی زیر صدارت وفاقی کابینہ کے اجلاس میں ملکی سیاسی اورمعاشی صورتحال کا جائزہ لیا جائے گا ۔

ذرائع کے مطابق کابینہ کو ایوی ایشن ڈویژن کی جانب سے سروسز انٹرنیشنل ہوٹل کی کلیئرنس سے متعلق بریفنگ دی جائے گی۔ ایوی ایشن پالیسی اور عملدرآمد پر پیش رفت پر بھی بریفنگ ایجنڈے میں شامل ہیں۔

اس کے علاوہ کاروبار اور انسانی حقوق کے حوالے سے نیشنل ایکشن پلان کی منظوری دی جائے گی اوروزارت داخلہ کی جانب سے ویزہ پراسس کے بارے میں بریفنگ دی جائے گی۔

وفاقی کابینہ کے اجلاس میں کے پی ٹی بورڈ سے محمود مولوی کے استعفیٰ اور سعود عظیم کی تعیناتی کی منظوری دی جائے گی اور پاکستان نرسنگ کونسل کے معاملے کے بارے میں آرڈیننس کے اجراء کی بھی منظوری دی جائے گی۔

خیال رہے کہ رویت ہلال سے متعلق قانون سازی کی بھی منظوری دی جائے گی۔ کابینہ ای سی سی اور ادارہ جاتی ریفارمز کمیٹی کے فیصلوں کی توثیق کرے گی۔

واضح رہے کہ انڈونیشیا میں کورونا وبا سے نمٹنے کے لیے طبی عملہ بھیجنے کی منظوری ایجنڈے میں شامل ہے، کابینہ کمیٹی برائے توانائی اور کمیٹی برائے قانون سازی کے فیصلوں کی توثیق بھی ایجنڈے میں شامل ہے۔