وفاقی وزیر سائنس اینڈ ٹیکنالوجی شبلی فراز نے کہا ہے کہ ٹیکنالوجی کا دور ہے مسائل کا حل ٹیکنالوجی میں ہی تلاش کرنا پڑے گا۔

تفصیلات کے مطابق وفاقی وزیر سائنس اینڈ ٹیکنالوجی شبلی فراز نے پارلیمنٹ ہاؤس اسلام آباد میں میڈیا سے گفتگو کرتے ہوئے کہا کہالیکشن کمیشن کو ای وی ایم کا جو نمونہ پیش کیا وہ اک تصور ہے۔

شبلی فراز نے کہا کہ ہم نے ایک راستہ اور حل پیش کیا ہے، الیکشن کمیشن جو چاہتا ہے وہ راستہ اختیار کرے۔

وفاقی وزیر سائنس اینڈ ٹیکنالوجی کا کہنا تھا کہ ہم نے یہ مشین الیکشن کمیشن کے بتائے ہوئے طریقہ کار کو مدنظر رکھ کر بنائی ہے، اپوزیشن اگر غیرمتنازعہ الیکشن چاہتی ہے تو ہم سے بات چیت کرے، ہم قائل کریں گے۔

 شبلی فراز کا یہ بھی کہنا تھا کہ میں نہ مانوں کی پالیسی سے عوام میں اچھا تاثر نہیں جاتا، سمندرپار پاکستانیوں کو ان کا حق دینے کے لئے اپوزیشن ہمارے ساتھ بیٹھے، یہ جمہوری فرض ہے۔

وفاقی وزیر سائنس اینڈ ٹیکنالوجی شبلی فراز کا مزید کہنا تھا کہ ہمیں اس ملک کو آگے لے جانا ہے اور آئندہ انتخابات کو شفاف بنانا چاہتے ہیں جبکہ ہم چاہتے ہیں آئندہ انتخابات ایسے ہوں کہ ہارنے والا ہار اور جیتنے والا جیت قبول کرے۔

واضح رہے اس سے قبل  اسلام آباد میں وفاقی وزیر سائنس و ٹیکنالوجی شبلی فرازنے تقریب سے خطاب کرتے ہوئے کہاتھا کہ ہر یونین کونسل کے ممبران سے مسائل پوچھے ، ہم نے پورے ڈسٹرک کوہاٹ کا سروے کیا،،عموماً پانی کا مسئلہ کر جگہ پر پایا گیا، سڑکیں بنانا اورپانی کا مسئلہ یہ گورننگ باڈی کے لوگ دیکھتے ہیں۔

شبلی فراز نے کہا تھاکہ ای وی ایم کی پائیداری سب سے اہم ہے ، ہماری حکومت کوشش رہی ہے کہ گورننگ باڈی کو سپورٹ کریں۔

انہوں نے کہا تھا کہ ان الیکشن میں ہر قسم کے لڑائی جھگڑے ہوئے، ہارنے کے بعد کہا جاتا ہے کہ دھاندلی ہوئی ہے، جب میں وزیر بنا یہ میرا ای وی ایم پہلا پروجیکٹ تھا،ای وی ایم مکمل طور پر شفاف الیکشن کروائے گا ،کچھ لوگ ایسے ہیں جو یہ چاہتے ہیں کہ الیکشن ای وی ایم کے ذریعے ہو۔

وفاقی وزیر سائنس وٹیکنالوجی نے کہا تھا کہ باہر رہنے والوں کو بھی آئی ووٹنگ کے ذریعے ووٹنگ کا موقع مل سکے گا۔

شبلی فراز کا مزید کہنا تھا کہ اگلے  دو سالوں میں سائنس اینڈ ٹیکنالوجی کے سیکٹر میں مزید لوگوں کونو کریوں کے موقع ملیں گے ، ہم اپنے علاقے کی ضروریات کو بہتر بنانے کے لیے بھی کام کرے گے۔