بھارت میں ابلتے ہوئے پانی میں موجود بچے کی ویڈیو کو سوشل میڈیا صارفین نے فیک قرار دے دیا۔

غیر ملکی خبررساں ادارے کی رپورٹ کے مطابق سوشل میڈیا پر وائرل ویڈیو میں ایک بھارتی بچہ مبینہ طور پر کھولتے ہوئے پانی سے بھری کڑاہی میں موجود ہے اور نیچے لکڑیاں بھی جل رہی ہیں۔

مناظر سے ایسا گمان ہورہا ہے کہ کڑاہی کے نیچے لگی آگ سے پانی ابل رہا ہے اور اس میں موجود بچے کو کوئی فرق نہیں پڑ رہا اور نہ ہی گرم پانی کی تپش اسے جلا رہی ہے۔

This is 2021 India 🇮🇳 pic.twitter.com/iSE0xDeGgP

Advertisement

— Sandeep Bisht (@iSandeepBisht) September 7, 2021

اس ویڈیو کو صارفین نے جھوٹ کا پلندہ قرار دے دیا اور کہا یہ محض عوام کو بے وقوف بنانے کی کوشش ہے۔

ایک صارف نے لکھا ایسا کیسے ممکن ہے کہ کڑاہی کے نیچے آگ لگی ہو اور صرف ایک ہی حصے کا پانی ابل رہا ہو، پوری کڑاہی کا پانی کیوں نہیں کھول رہا؟

اسی طرح ایک نے کہا جس مقام پر پانی ابلتا نظر آرہا ہے دراصل وہاں خاص قسم کا پمپ نصب ہے جو پانی کو کھولنے جیسا جعلی منظر دکھا رہا ہے جبکہ کڑاہی کی اگلی جانب آگ کے پاس کوئی خاص تہہ نصب ہوگی۔

رپورٹ کے مطابق اب تک واضح نہیں ہوسکا کہ یہ ویڈیو بھارت کے کس علاقے یا شہر کی ہے۔ جبکہ کس تکنیکی مہارت کے ذریعے عوام کو بے وقوف بنایا جارہا ہے یہ بھی مبہم ہے

اس سے قبل یہ مناظر 2019 میں بھی دیکھے گئے تاہم ایک مرتبہ پھر سے سوشل میڈیا پر یہ ویڈیو صارفین کی توجہ کا مرکز بنی ہوئی ہے۔