آئی جی اسلام آباد قاضی جمیل الرحمان کی ہدایت پراسلام آباد ٹریفک پولیس کی سیفٹی فرسٹ مہم جاری ہے۔

تفصیلات کے مطابق سیفٹی فرسٹ مہم کے تحت اسلام آباد ٹریفک پولیس کی 4 وائیلیشنز کے خلاف بھرپور کارروائی، گزشتہ ایک ہفتے کےدوران لین وائیلیشن پر 2365  سیٹ بیلٹ وائیلیشن پر 1401 چالان ٹکٹ جاری  کیے گئے۔

ایس ایس پی ٹریفک پولیس اسلام آباد سید کرار حسین کا کہنا ہے کہ  موبائل فون وائیلیشن پر 526 اور ہیلمٹ وائیلیشن پر 4073 چالان ٹکٹ جاری کیے گئے، اسلام آباد کے معزز شہریوں کی زندگی کا تحفظ ہماری اولین ترجیح۔

ایس ایس پی ٹریفک  کا کہنا تھا کہ شہریوں کے محفوظ سفر کو یقینی بنانا ہمارا عزم ہے۔

ایس ایس پی ٹریفک پولیس اسلام آباد سید کرار حسین  کا مزید کہا تھا کہ تمام شہریوں سے اپیل ہے کہ اس مہم کو کامیاب بنانے میں اسلام آباد ٹریفک پولیس  کا ساتھ دیں۔