پاکستان پیپلز پارٹی کی مرکزی سیکریٹری اطلاعات شازیہ مری نے کہا ہے کہ سندھی عورت کا آئیڈیل شاہ عبدالطیف ہے۔

تفصیلات کے مطابق پاکستان پیپلز پارٹی کی مرکزی سیکریٹری اطلاعات شازیہ مری نے شاہ عبداللطیف بھٹائی کے 278 ویں عرس مبارک پر پیغام میں کہا کہ شاہ عبدالطیف بھٹائی سندھی زبان کے سب سے بڑے صوفی  شاعر ہیں۔

پاکستان پیپلز پارٹی کی مرکزی سیکریٹری اطلاعات نے کہا کہ شاہ عبداللطیف بھاٹی کی پہچان سندھی سماج میں فکری رہبر کی ہے اور لوگ انکے فکر سے جؑڑے ہوئے ہیں۔ شاہ عبدالطیف بھٹائی نے امن،  محبت ،بھائی چارے، اور انسان دوستی کا درس دیا۔

شازیہ مری کا کہنا تھا کہ شاہ عبدالطیف کی شاعری میں دکھی انسانیت کو محبت کا پیغام، لوگوں کی اصلاح، خالق اور مخلوق کی محبت نمایاں ہیں۔

پاکستان پیپلز پارٹی کی مرکزی سیکریٹری اطلاعات شازیہ مری نے مزید کہا کہ سندھی عورت کا آئیڈیل شاہ عبدالطیف ہے یہ ایک واضح حقیقت ہے۔ شاہ عبدالطیف  کی شاعری کے سات سُر سندھ کی سات سورمیوں سے وابستہ ہیں اور یہ سندھ کے نامور کردار کے طور پر جانی جاتی ہیں۔

یاد رہے ہرسال کی اطرح امسال بھی صفر کی 14 تاریخ کو معروف صوفی بزرگ شاہ عبدالطیف بھٹائی کا 278 واں عرس انتہائی عقیدت و احترام سے منایا جارہا ہے۔

برصغیر کے عظیم صوفی بزرگ اور شاعر حضرت شاہ عبدالطیف بھٹائی کے 278 ویں عرس کی تین روزہ غیر سرکاری تقریبات کا آغازہوگیا ہے، قائم مقام سجادہ نشین سیدخاورحسین شاہ نےچادرچڑھا کرعرس کا افتتاح کیا۔

عرس کے موقع پر درگاہ پر زائرین کی بڑی تعداد میں آمد جاری ہے،کسی بھی ناخوشگوار واقعے سے نمٹنے کے لئے سیکیورٹی کےغیرمعمولی انتظامات کئے گئے ہیں،ساتھ ہی عرس میں شرکت کرنے والوں کو کرونا ایس او پیز پر عملدرآمد کرنے کا حکم بھی جاری کیا گیا ہے۔

واضح رہے کہ معروف صوفی بزرگ کا مزار سندھ کے علاقے بھٹ شاہ میں واقع ہے جہاں عرس کے موقع پر تین روزہ باقاعدہ تقاریب کا انعقاد 2019 تک کیا گیا، کرونا کی وجہ سے بعد میں عرس کو بہت مختصر کیا جاتا ہے۔