صوبائی وزیر تعلیم پنجاب ڈاکٹر مراد راس نے صوبے میں اسکولوں کی بندش کے حوالے اہم ٹوئٹ کی ہے۔

تفصیلات کے مطابق سماجی رابطے کی ویب سائٹ ٹوئٹر پر جاری اپنے پیغام میں صوبائی وزیر تعلیم پنجاب ڈاکٹر مراد راس نے کہاہےکہ پنجاب کے تمام سرکاری و نجی تعلیمی ادارے 15 ستمبر تک بند رہیں گے۔

ANNOUNCEMENT:
All Public and Private Schools of Punjab to remain closed until Wednesday September 15th, 2021. Stay home and stay safe.

Advertisement

— Murad Raas (@DrMuradPTI) September 10, 2021

صوبائی وزیر نے مزید کہاکہ اسکولوں کی بندش کا فیصلہ کورونا وباء کی صورتحال کومدنظر رکھتے ہوئے کیا گیا ہے۔

 ڈاکٹر مراد راس نے اپنی ٹوئٹ کے اختتام میں لکھا کہ ایس او پیز پر عملدرآمد کو ہر ممکن یقینی بنائیں۔

واضح رہےکہ گزشتہ روز این سی او سی کی جانب سے جاری نوٹی فکیشن میں کہا گیا تھا کہ کورونا پابندیوں میں توسیع کرتے ہوئے تعلیمی ادارے 15 ستمبر تک بند رکھنے کا فیصلہ کر لیا گیا ہے۔

Advertisement

NPIs enforced till 12th Sep in 24 high disease districts of Punjab, KP and ICT have been extended till 15th Sep 21. Review will be carried out on 15th Sep. pic.twitter.com/VfxpqQqwZA

— NCOC (@OfficialNcoc) September 9, 2021

نوٹی فکیشن میں کہا گیا کہ کورونا سے متاثرہ 24 حساس اضلاع میں تعلیمی ادارے بروز بدھ مورخہ 15 ستمبر تک مزید بند رہیں گے، اس توسیع کا فیصلہ کورونا صورتحال اور ہیلتھ سسٹم پر دباؤ کے پیش کیا گیا ہے۔

کورونا کی پابندیوں کا اطلاق ملک بھر کے 24 حساس اضلاع پر ہوگا۔

یاد رہے کہ گزشتہ ماہ 29 اگست کو کورونا پابندیوں کی توسیع ہوئی تھی۔ کورونا کی پابندیوں کا اطلاق 4 سے 12 ستمبر تک کیلئے کیا گیا تھا۔

خیال رہے کہ اس سے قبل کورونا کیسز میں اضافے کے پیش نظر پنجاب میں 6 سے 11 ستمبر تک تمام سرکاری اور نجی سکول بند کرنے کا فیصلہ کیا گیا تھا۔

دوسری جانب اسلام آباد میں بھی اسکول 11 ستمبر تک بند کرنے کا فیصلہ کیا گیا تھا۔