وزیراعظم کی زیر صدارت وفاقی کابینہ کا اجلاس آج ہوگا

اسفا سروت

21st Sep, 2021. 09:38 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم کی زیر صدارت وفاقی کابینہ کا اجلاس آج ہوگا

وزیراعظم عمران خان کی زیر صدارت وفاقی کابینہ کا اجلاس آج ہوگا۔

تفصیلات کے مطابق وزیراعظم عمران خان کی زیر صدارت وفاقی کابینہ کے اجلاس میں ملکی سیاسی اور معاشی صورتحال کا جائزہ لیا جائے گا۔

ذرائع کے مطابق کابینہ اجلاس میں نیوزی لینڈ اور انگلینڈ کے دورہ منسوخی سمیت اہم امور پر گفتگو ہوگی۔ اجلاس میں ای وی ایم مشین اور اوورسیز پاکستانیوں کو ووٹ کا حق دینے پر بریفنگ ہوگی۔

اس کے علاوہ کابینہ ٹریڈنگ کارپوریشن پاکستان کے چیئرمین کی تقرری کی منظوری دے گی، نادرا کے فنانشل سال 2021 کے آڈٹ کی کابینہ منظوری دے گی اور کابینہ ازبکستان کو بزنس ویزا لسٹ میں شامل کرنے کی بھی منظوری دے گی۔

خیال رہے کہ خطے کے ممالک سے فلمیں درآمد کرنے کا معاملہ کابینہ میں زیر بحث آئے گا، کابینہ جموں کشمیر اسٹیٹ پراپرٹی بجٹ کی منظوری دے گی اور متبادل تنازعاتی قرارداد کا سینٹر اسلام آباد میں کھولنے کا معاملہ بھی زیر غور آئے گا۔

کابینہ ڈریپ کے سی ای او کی تعیناتی کی منظوری دے گی اور مردم شماری کے لیے تجاویز کی بھی منظوری دے گی۔

واضح رہے کہ کابینہ میں ریلوے بورڈ کے ممبران کی تعیناتی کا معاملہ بھی زیر غور آئے گا۔ کابینہ کمیٹی برائے نجکاری اور ای سی سی کے فیصلوں کی توثیق بھی ایجنڈے میں شامل ہے۔