پاکستان کرکٹ ٹیم کے بیٹسمین احمد شہزاد نے انگلینڈ کرکٹ بورڈ (ای سی بی) کو اہم پیغام دیا ہے۔

تفصیلات کے مطابق پاکستانی کرکٹر احمد شہزاد نے سماجی رابطے کی ویبسائٹ ٹویٹر پر اپنے جاری بیان میں انگلینڈ کرکٹ بورڈ کو مخاطب کرتے ہوئے کہا کہ  انگلینڈ کرکٹ بورڈدورۂ پاکستان سے قبل یاد رکھیں کہ ہم نے اپنے ملک میں کرکٹ لانے کے لیے کتنی محنت کی ہے۔

.@ECB_cricket, before deciding on your tour to 🇵🇰, remember what we have done and gone through to get cricket back home. Our security system and forces are the best and have proven during the tours of SL, SA, ZIM, BAN, WI, ICC XI as well as the PSL. Our country is safe 🙏🏼

— Ahmad Shahzad 🇵🇰 (@iamAhmadshahzad) September 18, 2021

احمد شہزاد کا کہنا تھا کہ ہمارا سیکیورٹی سسٹم اور فورسز بہترین ہیں اور اس بات کا ثبوت ویسٹ انڈیز، سری لنکا، ساؤتھ افریقا، زمبابوے کے دورے ہیں۔

قومی کرکٹر احمد شہزاد کا مزید کہنا تھا کہ  پاکستان سپر لیگ اس بات کا ثبوت ہے کہ ہمارا ملک پاکستان محفوظ ہے۔

واضح رہے کہ  نیوزی لینڈ کرکٹ بورڈ نے پی سی بی کو آگاہ کیا  تھا کہ انہیں سیکیورٹی کے حوالے سے الرٹ کیا گیا ہے اس لیے یکطرفہ طور پر سیریز ملتوی کرنے کا فیصلہ کیا ہے۔

پاکستان کرکٹ بورڈ اور حکومت پاکستان نے مہمان ٹیم کی سیکیورٹی کے لیے فول پروف انتظامات کررکھے تھے جس پر   نیوزی لینڈ ٹیم کے آفیشلز نے اطمینان کا اظہار کیا تھا۔