خیبر پختونخواکے بعض اضلاع میں کل  شام سے بارشوں اور تیز ہواؤں کا نیاسلسلہ شروع ہونے کاامکان ہے ۔

تفصیلات کے  مطابق خیبر پختونخواکے بعض اضلاع میں کل  شام سے بارشوں اور تیز ہواؤں کا نیاسلسلہ شروع ہونے کاامکان ہے ، پی ڈی ایم اے خیبر پختونخوانےضلعی انتظامیہ اورمتعلقہ اداروں کومراسلہ جاری کر دیا۔

محکمہ موسمیات کے مطابق کوہستان ، شانگلہ ، مانسہرہ، ایبٹ آباد ، ہری پور ، مردان ، چارسدہ ، نوشہرہ ، دیر ، چترال ، پشاور ، کوہاٹ اور وزیرستان میں وقفے وقفے سے بارش کا امکان ہے ۔

 محکمہ موسمیات کا کہنا ہے کہ بارشوں کے باعث گرمی کی شدت میں کمی کا امکان ہے  جبکہ بارشوں کا سلسلہ ہفتہ کے روزتک وقفے وقفے سے جاری رہنے کا  بھی امکان ہے۔

ڈی جی پی ڈی ایم اے شریف حسین نے تیزبارشوں کے پیش نظرضلعی انتظامیہ اورمتعلقہ اداروں کو پیشگی اقدامات کرنے اورالرٹ رہنے کی ہدایت کی ہے

 ترجمان پی ڈی ایم اے کا کہنا ہے کہ سیاح دوران سفر خصوصی احتیاطی تدابیر اختیار کریں اورموسمی صورت حال سے باخبر رہے۔‎پی ڈی ایم اے کا ایمر جنسی آپریشن سنٹر مکمل فعال ہے، عوام کسی بھی ناخوشگوار واقعے کی اطلاع ھیلپ لائن 1700 پر دیں۔

دوسری جانب  ملک کے مختلف شہروں میں  بھی کل گرج چمک کے ساتھ بارش کا امکان ہے، شہرِ قائد سمیت سندھ میں بھی 23 سے 25 ستمبر کے درمیان بارش کا امکان ہے۔ محکمہ موسمیات کا کہنا ہے کہ 20 ستمبر کی شام سے ملک بھر میں مون سون ہوائیں داخل ہوگی۔

محکمہ موسمیات کے مطابق آج کم سے کم درجہ حرارت 28.5 ڈگری سینٹی گریڈ ریکارڈ ہوا، اس وقت شہر کا موجودہ درجہ حرارت 31.5 ڈگری سینٹی گریڈ ہے۔

محکمہ موسمیات کا کہنا ہے کہ ہوا میں نمی کا تناسب 60 فیصد ریکارڈ کیا گیا، شہر میں 20 کلو میٹر فی گھنٹہ کی رفتار سے  سمندری ہوائیں چل رہی ہیں۔

محکمہ موسمیات کا  مزید کہنا ہے کہ سکھر، بدین، ٹھٹہ، تھرپارکر اور اس کے ملحقہ علاقوں میں گرج چمک کے ساتھ تیز بارش ہوسکتی ہے۔