وزیر اعلیٰ پنجاب سردار عثمان بزدار آج عوامی خدمت میں مصروف ہیں۔

تفصیلات کے مطابق عثمان بزدار سے پنجاب کے پسماندہ علاقو ں کے 200 سے زائد افراد کی ملاقاتیں ہوئی  ہیں اسکے علاوہ وزیر اعلیٰ پنجاب عثمان بزدار نے  متعلقہ محکموں کے سربراہان کو بھی کھلی کچہری میں طلب کر لیا ہے۔

ذرائع کا کہنا ہے کہ عثمان بزدار نے فردا فردا ہر ملاقاتی کو اپنے پاس بلا کر ان کا مسئلہ سنا اور انہوں نے افسران کو عوامی  مسائل کے حل کے لیے موقع پر ہی ہدایات دی ہیں۔

لوگوں سے گفتگو کرتے ہوئے عثمان بزدار کا کہنا تھا کہ  عوام ہی میرا اثاثہ ہے،  میرے دروازے سب کے لیے کھلے ہیں۔

 عثمان بزدار کا کہنا تھا کہ عوام کی خدمت کا سفر رواں دواں ہے اور مزید تیزی سے آگے بڑھائیں گے۔

انہوں نے یہ بھی بتایا کہ  الزامات لگائے والے پیچھے رہ گئے ہیں جبکہ نیا پاکستان آگے بڑھ رہا ہے اور بڑھتا جائے گا۔

واضح رہے کہ اس موقع پر ڈی جی پی آرثمن رائے نے”عوامی آگاہی کاؤنٹر“کے بارے میں بریفنگ دی اور وزیر اعلیٰ پنجاب عثمان بزدار نے ”عوامی آگاہی کاؤنٹر“میں گہری دلچسپی کا اظہار بھی کیا ہے۔