محمد زبیر محمدی  میموریل کرکٹ ٹورنامنٹ میں دو آب کرکٹ کلب اور جناح کلب نے کامیابی حاصل کر لی جبکہ کراچی ڈس ایبلڈ کلب اور قذافی جیمخانہ کو شکست کا سامنا کرنا پڑا۔

تفصیلات کے مطابق    الرحمٰن کرکٹ کلب کے زیر اہتمام منعقدہ محمد زبیر محمدی میموریل کرکٹ ٹورنامنٹ میں مزید دو میچوں کا فیصلہ ہوگیا ،کے ایم سی ایسٹرن اسٹار کرکٹ گراؤنڈ پر کھیلے گئے میچ میں دوآب کرکٹ کلب نے کراچی ڈس ایبلڈ کرکٹ کلب کو 134 رنز سے شکست دیدی ۔

دوآب کرکٹ کلب نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 258 رنز اسکور کئے۔

 زبیر خان نے 19 چوکوں  کی مدد سے شاندار سینچری 103 رنز اسکور کئے، طلحٰہ صدیقی نے 11 چوکوں  اور 2 چھکوں کی مدد سے 71 رنز اسکور کئے  جبکہ محمد دانش نے 2 کھلاڑیوں کو آؤٹ کیا۔

 جواب میں کراچی ڈس ایبلڈ کرکٹ کلب مقررہ اوورز میں 7 وکٹوں کے نقصان پر 124 رنز بنا سکی۔

 اکرام اللہ نے 7چوکوں کی مدد سے 70 رنز اسکور کئے ،محمد اشرف نے 3 اور اسفندیار نے 2 کھلاڑیوں کو آؤٹ کیا۔

 ٹی ایم سی کرکٹ گراؤنڈ پر کھیلے گئے دوسرے میچ میں جناح کرکٹ کلب نے قذافی جیمخانہ کو 7وکٹوں سے شکست دیدی ۔

قذافی جیمخانہ کی پوری ٹیم پہلے بیٹنگ کرتے ہوئے 23۰3 اوورز میں 124 رنز بناکر آؤٹ ہوگئی۔

 عاقل انصاری نے 27 رنز اور عدنان قریشی نے 23 رنز اسکور کئے ،محمد عذیر نے 3 اور حارث ایاز نے 2 کھلاڑیوں کو آؤٹ کیا۔

 جواب میں جناح کرکٹ کلب نے مطلوبہ ہدف 20 اوورز میں3 وکٹوں کے نقصان پر پورا کرلیا۔

 محمد شہریار نے ناقابل شکست 55 رنز جبکہ زین کامران نے 38 رنز اسکور کئے، ناصر خان نے 2 کھلاڑیوں کو آؤٹ کیا ۔

ایمپائرنگ کے فرائض اصغر شاہ اور نعیم خان نے سرانجام دئیے ۔