وزیر اعلیٰ سندھ مراد علی شاہ کا کہنا ہے کہ گزشتہ 24 گھنٹوں میں13060نمونوں کی جانچ کی گئی، گزشتہ 24 گھنٹوں میں مزید470نئے کیسز رپورٹ ہوئے  ہیں۔

تفصیلات کے مطابق وزیر اعلیٰ سندھ مراد علی شاہ نے کورونا کی صورتحال پر بیان دیتے ہوئے کہا کہ گزشتہ 24 گھنٹوں میں25اموات رپورٹ ہوئیں، اموات کی مجموعی تعداد7407ہوچکی ہے۔

 وزیراعلیٰ سندھ  کا کہنا تھا کہ آج مزید586مریض صحتیاب ہوئے ہیں، صحتیاب افراد کی مجموعی تعداد428661ہوچکی ہے ۔

 ان کا کہنا تھاکہ اب تک6023529نمونوں کی جانچ کی جاچکی ہے ، اب تک457106 کیسزرپورٹ ہوچکے ہیں ۔

 مراد علی شاہ کا کہنا تھاکہ اس وقت21038مریض زیر علاج ہیں، 20574 گھروں میں،32آئسولیشن سینٹرز میں اور432مریض مختلف اسپتالوں میں زیر علاج ہیں  ، 398مریضوں کی حالت تشویشناک بتائی گئی ہے  جبکہ  33 مریض وینٹی لیٹرز پر ہیں۔

وزیراعلیٰ سندھ کا کہنا تھا کہ  صوبے کے470نئے کیسز میں سے163 کا تعلق کراچی سے ہے، ضلع جنوبی 35، ضلع شرقی 34،ملیر 33،ضلع غربی 26، ضلع وسطی 24 اور کورنگی میں سے 11 نئے کیسز رپورٹ ہوئے  ہیں۔

 وزیراعلیٰ سندھ  مراد علی شاہ کا کہنا تھا کہ حیدرآباد 86،ٹنڈو الہ یار 25، بدین 19،قمبر 18،میرپورخاص 17، سانگھڑ16، دادو، ٹھٹھہ اور تھرپارکر 15۔ 15،سجاول 14، جیکب آباد، سکھر،عمرکوٹ اور شکارپور 10۔ 10، لاڑکانہ 7،ٹنڈو محمد خان 6، جامشورو، نوشہروفیروز اور کشمور میں سے1۔ 1 نئے کیسز رپورٹ ہوئے ہیں۔