پاکستان شوبز انڈسٹری کے نامور کامیڈین اور اداکار عمر شریف کی اہلیہ زرین عمر نے اپنے شوہر کی طبیعت کے حوالے سے بتا دیا۔

عمر شریف کی اہلیہ زرین عمر نے بتایا کہ عمر شریف کی طبیعت بہتر ہے، آج رات جرمنی میں ہی قیام ہوگا، کل صبح امریکا روانگی متوقع ہے۔

عمر شریف کی اہلیہ زریں غزل نے بتایا کہ ڈاکٹرز عمر شریف کا مزید معائنہ کر رہے ہیں، ڈاکٹرز نے مزید ٹیسٹ کرنے کا بھی کہا ہے۔

عمر شریف کی اہلیہ زرین عمر نے مزید کہا کہ امریکا میں عمر شریف کے ڈاکٹر کے ساتھ رابطے میں ہیں۔

انہوں نے کہا کہ جرمنی میں پاکستانی سفارتخانے کے عملے کا شکریہ ادا کرتی ہوں۔

اس کے علاوہ  پاکستان کے قونصل جنرل زاہد حسین نے بھی عمر شریف کی عیادت کی۔

 دوسری جا نب بیگم عمر شریف نے کہا ہے کہ آگے سفر کا فیصلہ اب جرمن ڈاکٹرز کریں گے۔

 بیگم عمر شریف کا جرمن ہیلتھ سسٹم پر مکمل اعتماد کا اظہار کرتے ہوئے کہنا تھا کہ ان کی طبیعت کی وجہ سے اب وہ یہاں جرمن ڈاکٹرز کے پاس انڈر آبزرویشن میں ہیں۔

 جبکہ جرمن قانون کے مطابق اب جرمن ڈاکٹرز فیصلہ کریں گے کے وہ آگے ہوائی سفر کر سکیں گے یہ نہیں۔

ان کا کہنا تھا کہ جرمن ڈاکٹر تمام معائنہ کرکے پھر انھیں اجازت دیں گے۔

بیگم عمر شریف کا کہنا تھا کہ پاکستانی سفارت خانہ و کانسلیٹ پوری طرح حرکت میں ہیں۔

بیگم عمر شریف کا مزید کہنا تھا کہ ائیر ایمبولینس میں کوئی فنی خرابی نہیں ہے۔

واضح رہے کمپنی کی میڈیکل ٹیم کے مطابق عمر شریف جرمنی کے نیورمبرگ شہر کے مقامی اسپتال میں داخل ہیں جہاں ان کی صحت اچھی ہے، عمر شریف کا بخار ختم ہو چکا ہے اور تھکاوٹ بھی دور ہوگئی ہے جبکہ بلڈ پریشر بھی نارمل ہے۔

ڈاکٹر کے مطابق وہ آگے کے سفر کے لیے مکمل طور پر فٹ ہیں۔ توقع ہے کہ عمر شریف جرمنی میں 24 گھنٹے قیام کے بعد آج شام تک نیورمبرگ ائیرپورٹ سے اپنی اگلی منزل آئس لینڈ کیلئے روانہ ہوجائیں گے، جبکہ لگ بھگ 7 گھنٹے کے سفر کے بعد ائیر ایمبولینس آئس لینڈ کے کیفلاوک ائیر پورٹ پر رکے گی۔ طیارے کی ری فیولنگ ہوگی اور ممکنہ طور پر مریض کو ریسٹ کرایا جائے گا۔

ائیر ایمبولینس کمپنی ذرائع کے مطابق کیفلاوک سے آن کال انٹرنیشنل کمپنی کے ہیڈ کوارٹر کینیڈا کیلئے روانگی کا فیصلہ عمر شریف کی صحت دیکھ کر کیا جائے گا۔

اس کے علاوہ کینیڈا کے گوس بے ائیرپورٹ پر بھی طیارے کا 2 گھنٹے کا اسٹاپ اوور شیڈول ہے۔

اگلے اور آخری مرحلے میں پرواز حتمی منزل واشنگٹن ائیر پورٹ پر لینڈ کرے گی۔ ایئر ایمبولینس سے عمرشریف کو امریکا کے جارج واشنگٹن یونیورسٹی اسپتال منتقل کیا جائےگا۔

یاد رہے گزشتہ روز عمر شریف کو کراچی سے امریکا کیلئے ائیر ایمبولینس کے ذریعے روانہ کیا گیا تھا تاہم تھکاوٹ اور طویل سفر کے باعث انہیں جرمنی میں مزید طبی معائنے اور ریسٹ کے لیے ہسپتال میں داخل کر دیا گیا تھا۔