پاکستان شوبز انڈسٹری کی اداکارہ میرا  نے اہم انکشاف کر دیا۔

تفصیلات کے مطابق اداکارہ میرا نے کہا کہ میرے جھوٹے نکاح کے کیس کی وجہ سے فلم انڈسٹری کو اربوں روپے  کا نقصان ہوا۔

میرا نے لاہور کی سیشن عدالت میں پیشی کے بعد میڈیا سے گفتگو کرتے ہوئے کہا کہ مجھ پر یہ کیس نہ ہوتے، تو بہت سی فلمیں سیٹ پر ہوتیں، اورانڈسٹری بند نہ ہوتی۔

اداکارہ نے کہا کہ شوٹنگ میں جو کچھ ہوتا ہے وہ جھوٹ ہوتا ہے، جب ہم شوٹ کرتے ہیں تو ہم جھوٹ بول رہے ہوتے ہیں۔

اداکارہ میرا نے مزید کہا کہ شوٹنگ کو حقیقت سے نہیں جوڑا جاسکتا، ہم جھوٹ کا کام کرتے ہیں۔

اس سے قبل اداکارہ میرا کا برطانوی نژاد پاکستانی بزنس مین میاں شاہد محمود کے حوالے سے بیان  سامنے آگیا تھا۔

اداکارہ میرا کا برطانوی نژاد پاکستانی بزنس مین میاں شاہد محمود کے حوالے سے کہنا تھا  کہ یہ شخص ایک خطرناک مجرم ہے، لوگوں کے لیے خطرہ ہے۔

میرا نے اپیل کرتے ہوئے کہا تھا کہ شاہد محمود کو دھوکا اور فراڈ کرنے پر پکڑنا چاہیے۔

انہوں نے کہا تھا کہ پاکستان کو ایسے لوگوں سے محفوظ بنائیں۔

اداکارہ میرا  نے مزید کہا تھا کہ میڈٰیا ایسے مجرموں کو سپورٹ نہ کریں، صرف صحیح لوگوں کا ساتھ دیں۔