وفاقی وزیر ریلوے اعظم سواتی نے حکام کی موجودگی میں الیکشن کمیشن پر الزامات کی بوچھاڑ کردی ہے۔

تفصیلات کے مطابق اسپیشل سیکرٹری الیکشن کمیشن نے قائمہ کمیٹی میں پیش آنے والے واقعے سے چیف الیکشن کمشنر کو آگاہ کردیا ہے۔

چیف الیکشن کمشنر نے الیکشن کمیشن پر انتخابات بیچنے کے الزام پر شدید تشویش کا اظہار کیا ہے۔

ذرائع کے مطابق چیف الیکشن کمشنر نے ہنگامی اجلاس الیکشن کمیشن میں طلب کر لیا ہے، اسپیشل سیکرٹری الیکشن کمیشن ظفر اقبال ملک ارکان کو بریفنگ دیں گے۔

خیال رہے کہ آج قائمہ کمیٹی اجلاس میں حکومتی وزیر کے الزامات سے ارکان کو آگاہ کیا جائے گا، الیکشن کمیشن کی جانب سے حکومتی وزراء کے الزامات پر سخت ردعمل متوقع ہے۔

واضح رہے کہ وفاقی وزیر ریلوے اعظم سواتی نے قائمہ کمیٹی اجلاس میں الیکشن کمیشن پر الیکشنز بیچنے کا الزام لگایا اور گزشتہ روز ایوان صدر میں حکومتی وزراء نے الیکشن کمیشن ارکان پر پیسے پکڑنے کا الزام لگایا تھا۔