شہر قائد میں آج سے بارشوں کا امکان بتایا جارہا ہے، جس کے باعث سول ایوی ایشن اتھارٹی نے کراچی ائیرپورٹ پر بارشوں سے نمٹنے کے لیے الرٹ جاری کردیا ہے۔

تفصیلات کے مطابق کراچی ائیرپورٹ منیجر عمران خان کے احکامات پر طوفانی بارشوں سے نمٹنے کے لیے سی اے اے نے پلان تیار کرلیا ہے۔

جاری کردہ پلان میں بتایا گیا ہے کہ ائیرپورٹ کی حدود میں جہازوں کو محفوظ جگہ پر پارک کیا جائے اور جہازوں کے ساتھ وزن باندھا جائے تاکہ طوفانی ہواؤں سے دیگر جہازوں سے نہ ٹکرائیں۔

 پلان میں یہ بھی بتایا گیا ہے کہ ائیرپورٹ رن وے پر محفوظ فضائی آپریشن کے لیے ہنگامی اقدامات کیے جائیں اور جہازوں کو محفوظ لینڈنگ اور ٹیک آف کے لیے برڈ شوٹرز تعینات کرنے کا حکم بھی دے دیا گیا ہے۔