پاکستان کرکٹ ٹیم کے اوپننگ بیٹسمین امام الحق نے کہا ہے کہ شائقین ڈومیسٹک کرکٹ کو پہلے سے زیادہ سپورٹ کریں۔

تفصیلات کے مطابق  پاکستان کرکٹ ٹیم کے اوپننگ بیٹسمین امام الحق نے سماجی رابطے کی ویبسائٹ ٹویٹر پر جاری اپنے ایک بیان میں کہا کہ  میں نیشنل ٹی ٹوئنٹی کپ کے لیے پرجوش ہوں۔

Excited about the #NationalT20Cup
Dear fans and supporters of Pakistan cricket, it's time to support our domestic cricket more than ever before.

We're safe and we love cricket so much and we'll keep showing that to the world 🙌🏼 @TheRealPCB

Advertisement

#KhelTouHoRahaHai pic.twitter.com/qrPg9bsyf7

— Imam Ul Haq (@ImamUlHaq12) September 22, 2021

قومی کرکٹر نے کہا کہ پاکستان میں کرکٹ کے چاہنے والوں کیلئے  اب وقت آگیا ہے کہ وہ ڈومیسٹک کرکٹ کو پہلے سے زیادہ سپورٹ کریں۔

امام الحق کا مزید کہنا تھا کہ  ہم محفوظ ہیں اور ہم کرکٹ سے محبت کرنے والی قوم ہیں، ہم کرکٹ سے اپنی محبت دنیا کو دکھاتے رہیں گے۔

واضح رہے کہ نیشنل ٹی ٹوئنٹی کپ کا آغاز آج سے ہوگیا ہے، پنڈی اسٹیڈیم میں تماشائیوں کے لیے آٹھ انکلوژر میں نشستیں لگادی گئی ہیں ۔

25 فیصد تماشائیوں کو اسٹیڈیم میں داخلے کی اجازت ہوگی، کورونا ویکسی نیشن سرٹیفکیٹ کا ہونا لازمی ہے۔

قومی ٹی ٹوئنٹی ٹورنامنٹ تین اکتوبر تک کھیلا جائے گا، ٹورنامنٹ میں تمام بڑے کھلاڑی حصہ لیں گے جبکہ ٹورنامنٹ کا دوسرا مرحلہ لاہور میں ہوگا۔