کراچی کے شہری کافی عرصے سے ٹرانسپورٹ سے محروم ہیں، حلیم عادل شیخ

انوشہ شیخ

19th Sep, 2021. 11:04 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

کراچی کے شہری کافی عرصے سے ٹرانسپورٹ سے محروم ہیں، حلیم عادل شیخ
ڈی جی آئی ایس پی آر کا بلوچستان یونیورسٹی آف انفارمیشن ٹیکنالوجی، انجینئرنگ اینڈ مینجمنٹ سائنسز کوئٹہ کا دورہ
کورکی میں مقامی قبائل اور فتنہ الہندوستان کےدرمیان جھڑپ 4 دہشتگرد ہلاک،2 زخمی
پنجاب پولیس کی پھرتیاں، پانچ سال قبل فوت ہونے والے شہری کے خلاف مقدمہ درج کرلیا

Now Reading:

کراچی کے شہری کافی عرصے سے ٹرانسپورٹ سے محروم ہیں، حلیم عادل شیخ

اپوزیشن لیڈر حلیم عادل شیخ کا کہنا ہے کہ کراچی کے شہری کافی عرصے سے ٹرانسپورٹ سے محروم ہیں۔

تفصیلات کے مطابق میڈیا سے گفتگو کرتے ہوئے ان کا کہنا تھا کہ پاکستان پیپلز پارٹی نے اورنج لائن کے وعدے کیے اور شہریوں کو جنازہ بس سروس دی ، تیرہ سال میں ایک بس شہر کو نہیں ملی ہے۔

ان کا کہنا تھا کہ ملک کو سب سے زیادہ ٹیکس دینے والے شہر کے شہری جنازہ نما بسوں میں سفر کرنے پر مجبور ہیں، تیرہ سال میں گیارہ سو اکسٹھ ارب روپے ٹرانسپورٹ پر خرچ کیے گئے ہیں۔

حلیم عادل شیخ کا کہنا تھا کہ تین ارب گیارہ گروڑ روپے گزشتہ سال خرچ کیے، اتنی رقم کے باوجود شہر کو جنازہ بس سروس یا جیالہ بس سروس ملی ہے۔

انہوں نے کہا کہ سندھ حکومت کا ایک ہزار بسوں کا منصوبہ تھا ایک بس سڑک پر نہیں آئی ، پاکستان پیپلز پارٹی لکڑ ہضم پتھر ہضم پارٹی ہے۔

حلیم عادل شیخ نے یہ بھی بتایا کہ وزیر اعظم عمران خان کے شکر گزار ہیں کہ گرین لائن کی بسیں کراچی پہنچ چکی ہیں۔