نیشنل ٹی ٹوئنٹی کپ،سندھ کی مسلسل دوسری کامیابی

محمد سلطان

26th Sep, 2021. 12:13 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نیشنل ٹی ٹوئنٹی کپ،سندھ کی مسلسل دوسری کامیابی

نیشنل ٹی ٹوئنٹی کے چھٹے میچ میں سندھ نے نادرن کو 4 وکٹوں سے شکست دے دی ہے،کپتان سرفراز احمد نے 42 رنز کر کے ٹیم کی فتح میں اہم کردار ادا کیا۔

تفصیلات کے مطابق سندھ کی ٹیم نے 137 رنز کا ہدف ایک اوور قبل ہی پورا کرلیا۔

سندھ کی جانب سے شرجیل خان 43، کپتان سرفراز احمد42 اور انور علی 31 رنز بناکر نمایاں رہے۔

نادرن کی جانب سے عماد وسیم اور حارث رؤف نے دو ،د و کھلاڑیوں کو آؤٹ کیا۔

نادرن کی ٹیم نےپہلے بیٹنگ کرتے ہوئے مقررہ 20 اوورز بھی نہ کھیل سکی اور پوری ٹیم تین گیندیں قبل ہی 136 رنز بناکر آؤٹ ہوگئی۔

نادرن کی جانب سے محمد نواز 30 اور حارث رؤف 19 رنز بناکر نمایاں رہے،نادرن کے پانچ کھلاڑی ڈبل فگرز میں داخل نہ ہوسکے۔ سندھ کی جانب سے شاہنواز دھانی نے تین، محمد حسنین اور زاہد محمود نے دو ، دو کھلاڑیوں کو آؤٹ کیا۔

سندھ کے کپتان سرفراز احمد کو میچ وننگ پرفارمنس پر مین آف دی میچ دیا گیا۔