اداکار عمر شریف کی امریکہ میں علاج کروانے کی تیاریاں آخری مراحل تک پہنچ گئیں۔

تفصیلات کے مطابق  لیجنڈ اداکار عمر شریف کے بیٹے جواد عمر  نے بتایا ہے کہ سندھ حکومت نے ائیر ایمبولینس کی رقم ادا کر دی ہے۔

جواد عمر نے کہا کہ ائیر ایمبولینس پاکستان روانگی سے قبل تمام تر تفصیلات سے آگاہ کریں گی۔

لیجنڈ اداکار عمر شریف کے بیٹے نے کہا کہ اگلے چوبیس گھنٹے میں ائیر ایمبولینس اپنا شیڈول بتائے گی۔

جواد عمر نے بتایا کہ ائیر ایمبولینس کراچی کے جناح ٹرمینل پر ہی لینڈ کرے گی تاہم  آج ائیر ایمبولینس آنے کا کوئی امکان نہیں ہے۔

انہوں نے کہا کہ مکمن ہے کہ ائیر ایمبولینس آنے میں دو سے تین دن لگ سکتے ہیں۔

تاہم ائیر ایمبولینس آنے کے بعد اس میں موجود ڈاکٹرز کی ٹیم عمر شریف کا طبی معائنہ کریں گی۔

جواد عمر نے کہا کہ طبی معائنے کے بعد عمر شریف کو علاج کے لیے امریکہ منتقل کیا جائے گا۔

اس سے قبل عمر شریف کےعلاج کیلئے بیرون ملک جانے کے معاملے پر محکمہ صحت سندھ نے ایئر ایمبولینس سے متعلق وفاقی وزارت خزانہ کو خط تحریر کیا تھا، جس میں ایک لاکھ 69 ہزار 800 امریکی ڈالر فارن ایکسچینج بجٹ جاری کرنے کی درخواست کی گئی تھی۔

سندھ حکومت کا اس حوالے کہنا تھا کہ عمر شریف کے اہل خانہ کے کہنے پر متعلقہ ائیر ایمبولینس کیلئے تمام اخراجات صوبائی حکومت برداشت کرے گی۔ متعلقہ ائیر ایمولینس کا دفتر پاکستان میں نہ ہونے کے باعث صوبائی حکومت نے وفاق سے درخواست کی ہے ، وفاقی وزارت خزانہ اس سلسلے میں ایک لاکھ 69 ہزار 800 امریکی ڈالر فارن ایکسچینج بجٹ جاری کرے