پاک بحریہ کے زیر اہتمام 14 ویں سی این ایس امیچوئر ز گالف چیمپئین شپ  مارگلہ گالف کلب اسلام آباد میں شروع ہوگئی ہے۔

تفصیلات کے مطابق چیمپئین شپ کے افتتاحی روز سینئر امیچوئر اور جونیئر امیچوئر کیٹگریز کے مقابلے ہوئے۔

پاک نیوی کی طرف سے جاری پہلے روز کے کھیل کی تفصیلات کے مطابق سینئر امیچوئر کیٹگری گراس میں لیفٹنٹ کرنل راجہ آصف مہدی 74اسکور کے ساتھ پہلے،کرنل شاہد 77اسکور کے ساتھ دوسرے نمبر پر رہے۔

 سینئر امیچوئر کیٹگری نیٹ مقابلوں میں برگیڈیئر خالد عباسی 67کے ساتھ پہلے نمبر پر جبکہ بیونگ ڈونگ پارک دوسرے نمبر پر رہے۔

اسی طرح جونیئر امیچوئر کیٹگر ی گراس مقابلوں میں شایان ضیاء 77اسکور کے ساتھ پہلے جبکہ رضاء اللہ 78 اسکور کے ساتھ دوسرے نمبر پر رہے۔

اسی کیٹگری کے نیٹ مقابلوں میں مہد خان پہلے جبکہ حاذق دوسرے نمبر پر رہے۔

چیمپئین شپ کے مقابلے 26ستمبر تک جاری ررہیں گے،مردوں کی ہینڈی کیپ کیٹیگری میں 12اور اس سے کم عمر کے کھلاڑی شریک ہیں۔

لیڈیز امیچوئر ز کیٹیگری میں 36ہولز پر مشتمل میچ ہوگا جس میں سے 18ہولز پر مشتمل میچ 25اور26ستمبرکو کھیلے جائیں گے۔

 سینئیرز امیچوئر ز میں 36ہولز پر مشتمل میچ کھیلا جائے گا جس میں سے 18ہولز پر مشتمل میچ جمعرات کو ہوا جبکہ آ ج بھی اسی کیٹگری کے مقابلے ہوں گے۔

جونیئرز امیچوئر ز کیٹیگری میں 18ہولز پر مشتمل میچ جمعرات کو ہوا جس میں 19سال سے کم عمرکھلاڑی شریک ہوئے۔

 ان کیٹیگریز کے علاوہ ،26ستمبرکو 9ہولز پر مشتمل دعوتی میچ، مہمانوں اور اسپانسرزکے لئے بھی منعقد ہو گا۔

کیپٹن عثمان طارق نے بتایا کہ امیچوئر ز کیٹگری میں 150گالفرز حصہ لے رہے ہیں۔