وفاقی وزیر منصوبہ بندی و ترقی اسد عمر نے کہا ہے کہ روزگار کی فراہمی حکومتی ترجیحات میں شامل ہے۔
تفصیلات کے مطابق اسپیکر اسد قیصر کی زیرِ صدارت قومی اسمبلی میں اجلاس ہوا جس میں وفاقی وزیر منصوبہ بندی و ترقی اسد عمر نے اظہارِ خیال کرتے ہوئے کہا کہ حکومت کی جانب سے ساتویں مردم شماری پر کام شروع کردیا گیا ہے، ساتویں مردم شماری 31 اگست 2022 تک کروائی جائے گی۔
وفاقی وزیر اسد عمر نے کہا کہ مردم شماری کی حتمی منظوری مشترکہ مفادات کونسل کی منظوری سے مشروط ہوگی، ادارہ شماریات نے مردم و مکانات شماری کے لیے 23 ارب روپے کا بجٹ مختص کرنے کی درخواست کی ہے، وزارت خزانہ نے ابتدائی طور پر 5 ارب روپے مردم شماری کے لیے مختص کر دیے، بقیہ رقم مردم شماری کے آغاز پر فراہم کی جائے گی۔
وزارت منصوبہ بندی نے کورونا سے متعلق سروے رپورٹ قومی اسمبلی میں پیش کردی اور کہا کہ کورونا کے دوران 2 کروڑ 73 لاکھ افراد معاشی طور پر متاثر ہوئے، کورونا کے باعث 2 کروڑ 6 لاکھ افراد بےروزگار ہوئے، 67 لاکھ افراد کی آمدن میں کمی ہوئی، اسمارٹ لاک ڈاون پالیسی کے بعد 1 کروڑ 84 لاکھ افراد کا روزگار بحال ہوا، روزگار کی فراہمی حکومتی ترجیحات میں شامل ہے، معاشی نمو میں اضافے اور روزگار کی فراہمی کے لیے کوشاں ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News