پاکستان شوبز انڈسٹری کی معروف گلوکار بلال سعید نے گلوکاری کے بعد سوشل میڈیا انسٹاگرام پر بھی کامیابی حاصل کر لی۔

تفصیلات کے مطابق فوٹو اینڈ ویڈیو شیئرنگ ایپ انسٹاگرام پر موجود بلال سعید کے تصدیق شدہ اکاؤنٹ پر فالوورز کی تعداد میں اضافہ ہوگیا ہے۔

بلال سعید کے تصدیق شدہ انسٹاگرام اکاؤنٹ پر اُنہیں ایک ملین یعنی 10 لاکھ سے زائد صارفین نے فالو کرلیا ہے۔

گلوکار کی اس کامیابی پر اُن کے مداحوں کی جانب سے اُنہیں مبارکباد دی جارہی ہے۔

بلال سعید کے انسٹاگرام اکاؤنٹ کی جانب نظر دوڑائی جائے تو اُنہوں نے ابھی تک 887 پوسٹس کی ہیں۔

اسنٹاگرام پر گلوکار بلال سعید نے  اپنے میوزک پراجیکٹس کے حوالے سے ویڈیوز اور تصاویر پوسٹ کی ہیں۔

جبکہ گلوکار نے اپنے انسٹاگرام اکاؤنٹ سے جن صارفین کو فالو کیا ہوا ہے اُن کی تعداد صرف 49 ہے، جن میں خاص دوست اور عزیز شامل ہیں۔

گزشتہ برس گلوکار بلال سعید اور اداکارہ صبا قمر کے نئے گانے کی ویڈیو کی مسجد وزیر خان میں شُوٹنگ اور رقص پر ان دونوں فنکاروں کو سوشل میڈیا پر تنقید اور مذمت کا سامنا کرنا پڑا تھا۔

دفعہ 295 کے تحت درج کی گئی ایف آئی آر میں کہا گیا تھا کہ اداکارہ صبا قمر اور بلال سعید نے مسجد کا تقدس پامال کیا، لہٰذا ان دونوں کے خلاف کارروائی کی جائے۔

دونوں فنکاروں کی جانب سے اس معاملے پر معافی بھی مانگی گئی تھی۔

واضح رہے کہ محکمہ اوقاف نے مسجد میں گانے کی شوٹنگ کی اجازت دینے پر مسجد کے منیجر کو معطل کر دیا تھا۔

تاہم اداکارہ صبا قمر اور بلال سعید کی شوٹنگ کے خلاف دائر کیئے گئے مقدمے میں پولیس سے چالان طلب کر لیا۔

ڈسڑکٹ پبلک پراسیکیوٹر نے لاہور کی تاریخی مسجد وزیر خان میں اداکارہ صبا قمر اور بلال سعید کے خلاف تھانہ اکبری گیٹ میں مقدمہ درج ہے۔