بھارتی کرکٹ ٹیم کے کپتان ویراٹ کوہلی کا کہنا ہے کہ مجھے اندازہ ہے کہ پاکستان ٹیم بہت مضبوط ٹیم ہے۔

تفصیلات کے مطابق بھارتی کرکٹ ٹیم کے کپتان ویراٹ کوہلی نے پریس کانفرنس کرتے ہوئے کہا کہ بہت ٹیلنٹ ہے ایسے کھلاڑی ہیں جو میچ تبدیل کر دیتے ہیں ، میں ہمیشہ پاکستان ٹیم کو ہمیشہ مضبوط مانتا ہوں۔

ویراٹ کوہلی کا کہنا تھا کہ ہمیں ایک پلان کے مطاق میدان میں اترنا پڑتا ہے، ہم ماضی کے ریکارڈ کو نہیں دیکھتے اس سے توجہ ہٹ جاتی ہے۔

ان کا کہنا تھا کہ  پاکستان کے ساتھ میچ میں گراؤنڈ سے باہر بہت سرگرمیاں ہوتی ہیں، ہم گراؤنڈ سے باہر اور اندر کے ماحول کو اپنے ذہنوں پر حاوی نہیں ہونے دے رہے ہیں۔

ویراٹ کوہلی نے کہا کہ ورلڈ کپ کا ہر میچ پریشر گیم ہوتی ہے، ہم نے کبھی ڈسکس نہیں کیا ہمارا پاکستان کے خلاف کیا ریکارڈ رہا ہے۔

انہوں نے کہا کہ  ہمارے باولرز حالیہ عرصے میں بہت اچھی کرکٹ کھیل رہے ہیں، یہ کہنا درست نہیں کہ بھارتی بیٹنگ اور پاکستانی باؤلنگ کا مقابلہ ہوگا۔

ویراٹ کوہلی نے یہ بھی کہا کہ ہم پاکستان کے خلاف میچ کو بھی دوسرے میچ کی طرح لے رہے ہیں، اندازہ ہے کہ بہت عرصہ کرکٹ نہیں ہوئی لیکن پلئیرز بہت اہم ہے۔