وفاقی وزیر برائے بحری امور علی حیدر زیدی نے کہا ہے کہ وزیراعظم عمران خان کی قیادت میں ہمارے قومی پرچم بردار جہاز جلد ہی باقی دنیا کے ساتھ مقابلہ کریں گے۔

تفصیلات کے مطابق پی این ایس سی کی 3 سالہ کارکردگی پر وفاقی وزیر برائے بحری امور علی حیدر زیدی نے سماجی   رابطے کی ویب سائٹ ٹویٹر پر اپنے ایک پیغام میں    کہا کہ پی این ایس سی نے مجموعی منافع کے بعد 6.9 ارب روپے ٹیکس  وصول کیا جبکہ ادارے نے شیئرہولڈرز کو 664 ملین روپے بطور منافع اور 930 ملین روپے وفاق میں ٹیکس جمع کیا ہے۔

PNSC transported 31% more cargo by weight during FY 2020-21 compared to FY 2019-2020.

Digitised data of Pakistani seafarers to help expedite visa processing

Advertisement

Following 6 targets issued by @MaritimeGovPK 👇🏻

— Ali Haider Zaidi (@AliHZaidiPTI) October 8, 2021

وفاقی وزیر برائے بحری امور کا کہنا تھا کہ پی این ایس سی نے 2019-20 کے مقابلے میں 2020-21 کے دوران وزن کے حساب سے 31 فیصد زیادہ سامان پہنچایا جبکہ ویزا پراسسنگ کو تیز کرنے کے لئے پاکستانی سی فیئررز کا ڈیٹا ڈیجیٹائز کیا۔

 علی حیدر زیدی کا یہ بھی کہنا تھا کہ وزارت بحری امور کی جانب سے پی این ایس سی کو 6 اہداف دیئے گئے ہیں، ادارے کا ہدف ہوگا کہ بلک ٹرانسپورٹ کے لئے ٹن کے حساب سے وزن میں اضافہ کرے۔

وفاقی وزیر برائے بحری امور نے کہا کہ ادارہ کنٹینرز کا کاروبار شروع کرے تاکہ ہمارے تاجر صرف غیر ملکی لائنوں پر انحصار نہ کریں، میننگ آپریشنز کو وسعت دی جائے تاکہ سی فیئررز کو بین الاقوامی جہازوں پر روزگار مل سکے۔

 علی حیدر زیدی کا کہنا تھا کہ کارٹلیائزیشن کو کم کرنے کے لیے ان کا اسٹیوڈور بزنس بنایا جائے جبکہ رئیل اسٹیٹ ہولڈنگز کی تجدید اور تزئین و آرائش کے ذریعے آمدنی میں اضافہ کیا جائے۔

4- Build their stevedoring business to curtail cartilization.

5- Increase their income by revamping & renovating their real estate holdings.

6- Start Ferry Service

Inshallah, under PM @ImranKhanPTI our national flag carrier will soon compete with the rest of the world!

Advertisement

— Ali Haider Zaidi (@AliHZaidiPTI) October 8, 2021

وفاقی وزیر برائے بحری امور علی حیدر زیدی کا مزید کہنا تھا کہ پی این ایس سی فیری بوٹ سروس شروع کرے گا  اور  وزیراعظم عمران خان کی قیادت میں ہمارے قومی پرچم بردار جہاز جلد ہی باقی دنیا کے ساتھ مقابلہ کریں گے۔

 واضح رہے کہ وفاقی وزیر برائے بحری امور علی زیدی نے ورلڈ میرین ڈے کے موقع پر تقریب سے خطاب کرتے ہوئے کہا تھا ہے کہ یورپی یونین پاکستانی سی فیئررز کے لیے ویزوں کے اجراء کا مسئلہ حل کرے۔

انہوں نے کہا تھا کہ یورپی یونین کے سفیر کو خط ارسال کررہا ہوں، سی فیئررز کے ویزوں کا مسئلہ حل کریں ، کراچی کوسٹل کمپری ہینسیو ڈویلپمنٹ زون پر تنقید کی جارہی ہے ، یہ پروجیکٹ میرین پلوشن کی وجہ سے شروع ہوا ، ہر روز چار سے پانچ ہزار ٹن سالڈ کچرا سمندر میں گررہا ہے ، کراچی میں کوئی سالڈ ویسٹ منجمنٹ کا نظام نہیں ہے۔

علی زیدی نے کہا تھا کہ لیاری ندی اور باقی سارے نالوں سے ساڑھے پانچ سو ملین گندا پانی سمندر میں گررہا ہے ، مارشل لائن کیچڑ سے تباہ ہوچکا ہے ، پورے کراچی کا کچرا یہاں گرتا ہے ، ماحول کو نقصان پہنچ رہا ہے ماہی گیری ختم ہوجائیگی ، پہلے قدم کے طور پر اس پروجیکٹ میں واٹر ٹریٹمنٹ پلانٹ لیاری ندی پر لگے گا۔

وفاقی وزیر برائے بحری امور علی زیدی کا مزید کہنا تھا کہ ہر پانی کا قطرہ ٹریٹ ہوکر سمندر میں گرے گا ، میرین پارک بنے گا ، فشریز کو ایک برانڈ نیو اسٹیٹ آف دی آرٹ فشنگ ہاربر اور فش پراسیسس یونٹ بناکردیں گے ، ماحولیاتی ماہرین کو مدعو کریں گے تاکہ ماحولیاتی اثرات کا  جائزہ لیا جاسکے۔