وزیراعلیٰ گلگت بلتستان خالد خورشید نے کہا ہے کہ گلگت بلتستان قدرتی حسن و وسائل سے مالامال ہے۔

تفصیلات کے مطابق وزیراعلیٰ گلگت بلتستان خالد خورشید نے موسمیاتی تبدیلی  کے حوالے سے منقعد خصوصی تقریب سے گفتگو کرتے ہوئے کہا کہ موسمیاتی تبدیلی کے حوالے سے دبئی ایکسپو 2020 کی نشست وقت کی اہم ضرورت تھی، موسمیاتی تبدیلی  کے حوالے سے تقریب منعقد کرکے اس کے اثرات و خطرات کے حوالے سے دنیا کو آگہی دینے پر منتظمین کے مشکور ہیں۔

دبئی ایکسپو 2020 کی اہم تقریب میں وزیراعلی گلگت بلتستان خالد خورشید کی شرکت! https://t.co/XJ8FF3uFu0 pic.twitter.com/jC0xvzOwtR

— Muhammad Khalid Khurshid Khan (@AbdulKhalidPTI) October 7, 2021

وزیراعلیٰ گلگت بلتستان کا کہنا تھا کہ موسمی تبدیلی کے اثرات پاکستان بلخصوص گلگت بلتستان پر بھی مرتب ہورہے ہیں۔

خالد خورشید نے کہا کہ گلگت بلتستان میں  تین پہاڑی سلسلوں سمیت دنیا کے بڑے گلیشرز پائے جاتے ہیں، پاکستان بلخصوص گلگت بلتستان  قدرتی حسن و وسائل سے مالامال ہے۔

Today, Chief Minister Gilgit-Baltistan Khalid Khurshid spoke in a special event titled as Reaching for the Stars: Sustainable and Climate Resilient Mountain Development at Dubai Expo 2020 pic.twitter.com/tXQnIh2TLw

— Muhammad Khalid Khurshid Khan (@AbdulKhalidPTI) October 7, 2021

وزیراعلیٰ گلگت بلتستان خالد خورشید نے مزید کہا کہ موسمی تبدیلیوں کے اثرات سے نمٹنے کی عالمی کاوشوں میں گلگت بلتستان  اہم کردار ادا کریگا۔

واضح رہے اس سے قبل وزیراعلیٰ گلگت بلتستان خالد خورشید خان نے نیوز کانفرنس کرتے ہوئے کہا تھا کہ حالات کے تناظر میں تفرقہ پھیلانے والوں کے خلاف کریک ڈاؤن کریں گے۔

خالد خورشید نے کہا کہ عوام کے جان و مال کا تحفظ ریاست اور حکومت کی ذمہ داری ہے۔ حکومت کسی مسلک کی نہیں عوام کی ہوتی ہے ، مسلکی تفرقہ کو عوام نے مسترد کیا ہے۔