وزیر اعلیٰ پنجاب کی ہدایت پر کورونا ویکسینیشن مہم کا آغاز کردیا

اسفا سروت

26th Oct, 2021. 12:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعلیٰ پنجاب کی ہدایت پر کورونا ویکسینیشن مہم کا آغاز کردیا

وزیر اعلیٰ پنجاب عثمان بزدار کی ہدایت پر کورونا ویکسینیشن مہم کا آغاز کردیا گیا ہے۔

تفصیلات کے مطابق کورونا ویکسینیشن مہم کا آج دوسرا روز ہے، کورونا ویکسینیشن مہم 12 نومبر تک جاری رہے گی۔ لاہور میں مجموعی طور پر 166 یوسیز ہیں۔

ڈی سی لاہور عمر شیر چٹھہ کا کہنا ہے کہ 498 ٹیمیں تعینات کی گئی ہیں، ہر یو سی میں تین، تین ٹیمیں موجود ہیں، پہلی ٹیم ہیلتھ فسیلیٹیز، دوسری ٹیم اسکولوں اور تیسری ٹیم گھروں میں جا کر ویکسینیشن لگا رہی ہے۔

انہوں نے کہا کہ 12 روزہ مہم میں روزانہ کی بنیاد پر 49800 شہریوں کو ویکسینیشن لگانے کا ٹارگٹ ہے، اب تک 2844799 شہری فرسٹ ڈوز لگوا چکے ہیں، دوسری ڈوز 1614260 شہری لگوا چکے ہیں۔

ڈی سی لاہور عمر شیر چٹھہ نے مزید کہا ہے کہ ہر ٹیم میں 01 ویکسینیٹر، 01 اسسٹنٹ اور 01 سوشل موبلائیزر موجود ہے، ہر یو سی میں فوکل پرسن موجود ہے، ریسکیو 1122 کسی بھی ناگہانی صورت سے نمٹنے کے لئے ٹیموں کے ساتھ موجود ہے۔