چیف آف ائیر اسٹاف اسکواش چیمپئین شپ ٹورنامنٹ میں مینز ٹائنل مصر کے  مصطفی السیرتی نے  جیت لیا جبکہ ویمن ایونٹ کی ٹرافی سلمی الطیب نے جیت لی۔

تفصیلات کےمطابق ٹورنامنٹ کے مینز ایونٹ کے فائنل میچ میں ورلڈ نمبر 67 مصر کے مصطفی السیرتی نے فرانس کے اوگسٹ کو شکست دی،47منٹ تک جاری رہنے والے مقابلے میں مصری حریف نے 9-11،11-7، 11-6،12-10 سے فتح سمیٹی۔

قبل ازیں مصر کی سلمٰی الطیب نے فرانس کی میری اسٹیفن کو شکست دے کر چیف آف دی ائیر سٹاف انٹرنیشنل اسکواش ٹورنامنٹ میں خواتین کے ایونٹ کا ٹائٹل جیت لیا۔

مصحف اسکواش کمپلیکس میں کھیلے گئے خواتین کے فائنل میں مصر کی سلمٰی الطیب نےشاندار کارکردگی کا مظاہرہ کرتے ہوئے فرانس کی حریف میری اسٹیفن کوا سٹریٹ سیٹس میں 0-3 سےشکست دے کر چیمپئین ہونے کا اعزاز حاصل کرلیا۔

 مصر کی سلمٰی الطیب نے پہلے سیٹ میں6-11 سے، دوسرے سیٹ میں 10-12 سے اور تیسرے سیٹ میں 4-11 سےکامیابی حاصل کی۔

واضح رہے کہ مصر کی سلمٰی الطیب نے مصر کی ہی فیروز ابو الخیر کو اور فرانس کی میری اسٹیفن نے مصر کی نادین کوٹپ کو ہرا کر فائنل کے لئے کوالیفائی کیا تھا۔

مصحف اسکواش کمپلیکس میں منعقد ہونے والے ٹورنامنٹ کے فائنل میچ میں پاک فضائیہ کے سربراہ ا ئیر چیف مارشل ظہیر احمد بابر نے بطور مہمان خصوصی شرکت کی۔

اس موقع پر سی ای او سرینا عزیز بولانی سمیت اسکواش فیڈ ریشن کے اعلیٰ حکام بھی موجود تھے۔