وزیراعظم عمران خان نے کہا ہے کہ پاک چین دوستی تاریخی گہری اور مضبوط ہے۔

تفصیلات کے مطابق وزیراعظم عمران خان نے سماجی رابطے کی ویب سائٹ ٹویٹر پر اپنے ایک پیغام میں چین کے 72 ویں قومی دن کے موقع پر چین کی قیادت اور عوام کو مبارکباد پیش کی ہے

On behalf of my govt & the people of Pakistan our warmest greetings to the leadership & people of China on their 72nd Chinese National Day. The historic Pak-China friendship runs deep and strong as we work together for peace and economic prosperity for our people and our region.

— Imran Khan (@ImranKhanPTI) October 1, 2021

اپنے پیغام میں عمران خان نے کہا کہ میری حکومت اور پاکستانی عوام کی طرف سے میں چین کی قیادت اور عوام کو ان کے 72 ویں چینی قومی دن پر دل کی گہرائیوں سے مبارکباد پیش کرتا ہوں۔

وزیراعظم عمران خان نے مزید کہا کہ پاک چین دوستی تاریخی ، گہری اور مضبوط ہے، پاکستان اور چین اپنے لوگوں اور اپنے خطے کے لیے امن اور معاشی خوشحالی کے لیے مل کر کام کرتے ہیں۔

دوسری جانب  وزیراعظم عمران خان نے سماجی رابطے کی ویب سائٹ ٹویٹر پر اپنے ایک اور  پیغام میں کہا کہ ایک اور اچھی خبر! ایف بی آر نے اپنا ٹریک اینڈ ٹریس سسٹم کامیابی کے ‏ساتھ شروع کر دیا۔

More good news: FBR has successfully launched its Track & Trace System. It will help boost additional revenue, digitise the economy, curb counterfeiting — all steps towards effective & transparent governance.

Advertisement

— Imran Khan (@ImranKhanPTI) October 1, 2021

عمران خان نے کہا کہ ایف بی آر کا اپنا ٹریک اینڈ ٹریس سسٹم اضافی آمدنی ‏کو بڑھانے اور معیشت کو ڈیجیٹل بنانے میں مدد دے گا۔

وزیراعظم عمران خان  نے مزید کہا کہیہ تمام اقدامات مؤثر اور شفاف گورننس کے لیے ہیں، ٹریک اینڈٹریس سسٹم سےجعل سازی روکنے میں مدد ملےگی۔

واضح رہے اس سے قبل وزیراعظم عمران خان سے بھی ڈنمارک کے وزیر خارجہ کی ملاقات ہوئی جس میں دونوں رہنماؤں نے ماحولیاتی تبدیلی سے متعلق امور پر گفتگو کی تھی جبکہ افغانستان میں امن کے حوالے سے بھی تبادکہ خیال کیا گیا تھا۔

ملاقات میں وزیراعظم عمران خان نے ڈنمارک کے وزیر خارجہ سے گفتگو کرتے ہوئے کہا تھا کہ افغانستان میں استحکام کے لیے سیاسی اسٹرکچر اہم ہے۔

وزیراعظم کا کہنا تھا کہ افغانستان اور استحکام کے لیے عالمی برادری کو اپنا کردار ادا کرنا ہوگا جبکہ افغانستان سی انسانی المیے سے بچنے کے لیے بھی عالمی برادری کردار ادا کرے۔

عمران خان نے دو طرفہ تعلقات پر اطمینان کا اظہار کرتے ہوئے کہا تھا کہ پاکستان ڈنمارک کے ساتھ تجارت، سرمایہ کاری اور متبادل انرجی سمیت مختلف شعبوں میں تعاون بڑھانا چاہتا ہے۔

 وزیراعظم عمران خان نے ماحولیاتی تبدیلی سے متعلق امور پر ڈنمارک کے وزیر خارجہ سے گفتگو کرتے ہوئے مزید کہا تھا کہ عالمی برادری کو ماحولیاتی تبدیلی سے نمٹنے کے لئے اقدامات کرنا ہوں گے۔