دنیائے کرکٹ کا سب سے بڑا ٹاکرا آج ہوگا

سعدیہ شمیم

24th Oct, 2021. 11:25 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دنیائے کرکٹ کا سب سے بڑا ٹاکرا آج ہوگا

ٹی 20ورلڈکپ : دنیائے کرکٹ کا سب سے بڑا ٹاکرا آج دبئی اسٹیڈیم میں کھیلا جائے گا۔
تفصیلات کے مطابق آج چوکوں اورچھکوں کی بھرمار دبئی کرکٹ اسٹیڈیم میں ہوگی، شائقین کرکٹ ایک اوراعصاب شکن مقابلہ دیکھنےکو بےقرار ہیں۔
ہائی وولٹیج مقابلے کیلئے انٹرنیشنل کرکٹ کونسل (آئی سی سی) مینز ٹی ٹوئنٹی ورلڈکپ میں قومی ٹیم کے کپتان نے بھارت کے خلاف ٹیم کا اعلان گزشتہ روزکردیا تھا۔
قومی ٹیم کی 12 کھلاڑیوں میں محمد رضوان، فخر زمان، کپتان بابر اعظم، محمد حفیظ، حیدر علی، شعیب ملک، آصف علی، شاداب خان، عماد وسیم، حسن علی، شاہین شاہ آفریدی، حارث رؤف بھارت کو ٹکر دینے کے لیے آج دبئی کرکٹ اسٹیڈیم کی میدان میں اُتریں گے۔
پاک بھارت ٹاکرے میں وزیراعظم عمران خان بھی پاکستان کی جیت کے لیے پُرامید ہیں جبکہ چیئرمین پی سی بی نے کہا ہے کہ قومی ٹیم ورلڈ کپ میں شاندار کارکردگی دکھائےگی۔

دوسری جانب بولنگ کے بادشاہ فاسٹ بولے شعیب اختر نے کہا کہ نیوزی لینڈکوبھاگنےنہیں دینگے ساتھ ہی بھارت کوبھی نہیں چھوڑینگے۔
قومی کرکٹ کےکپتان بابر اعظم بھی جیت کے لیے پُرامید ہیں انکا کہنا ہے کہ ماضی کی ناکامیوں کو نہیں سوچ رہے ٹیم مقابلے کے لیے تیار ہے ہم بھارت کا ریکارڈ توڑنے کی بھر پُورکوشش کریں گے۔
بھارتی کپتان ویرات کوہلی نے بھی پاکستان کوتگڑا حریف قراردیا جبکہ سابق بھارتی کپتان ساروگنگولی نے کہا کہ ضروری نہیں کہ ہرباربھارت ہی جیتے۔
یاد رہے کہ پاکستان اور بھارت کے درمیان میچ آج پاکستانی وقت کے مطابق شام 7 بجے دبئی اسٹیڈیم میں کھیلا جائے گا۔