مشکوک ٹرانزیکشن کیس: آصف زرداری کی بریت درخواست مسترد کرنےکا تحریری فیصلہ جاری

سعدیہ شمیم

16th Oct, 2021. 12:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مشکوک ٹرانزیکشن کیس: آصف زرداری کی بریت درخواست مسترد کرنےکا تحریری فیصلہ جاری

اسلام آباد کی احتساب عدالت نے مشکوک ٹرانزیکشنز کیس میں سابق صدر اور پاکستان پیپلز پارٹی (پی پی پی) کے شریک چیئرمین آصف علی زرداری کی درخواست بریت مسترد کرنے کا تحریری فیصلہ جاری کردیا ہے۔
تفصیلات کے مطابق اسلام آباد کی احتساب عدالت نے جعلی اکاؤنٹس کیس میں 8 ارب روپے سے زائد کی مشکوک ٹرانزیکشنز سے متعلق کیس میں آصف علی زرداری کی درخواست بریت مسترد ہونے کا تحریری فیصلہ جاری کر دیا ہے۔
تحریری فیصلے میں کہا گیا ہے کہ تسلیم شدہ حقیقت ہے کہ آصف زرداری پبلک آفس ہولڈر تھے، پبلک آفس ہولڈر کے معاملے پر ترمیمی آرڈیننس کا اطلاق نہیں ہے، آصف علی زرداری بادی النظر اس کیس میں شامل ہیں۔
تحریری فیصلے میں کہا گیا ہے کہ آصف علی زرداری پر منی لانڈرنگ اور کرپشن کا الزام ہے، نیب کے مطابق آصف زرداری نے کراچی گھر کی قیمت بھی کاغذات میں کم ظاہر کی جبکہ نیب کے مطابق اصل قیمت چھپانے کا مقصد غیر قانونی رقوم چھپانا تھا۔
واضح رہے کہ تحریری فیصلہ احتساب عدالت کے جج اصغر علی نے جاری کیا ہے۔

احتساب عدالت نے بریت کی درخواست مسترد کرنے سمیت آصف زرداری کو فرد جرم کیلئے طلب کر رکھا ہے۔