اسپیکر قومی اسمبلی اسد قیصر نے کہا ہے کہ بھارتی قابض افواج کشمیریوں پر ظلم و ستم کے پہاڑ توڑ رہی ہے۔
تفصیلات کے مطابق آزربائیجان کے یوم آزادی کی بحالی کی 30 ویں سالگرہ کی تقریب میں اسپیکر قومی اسمبلی کے اسد قیصر بطور مہمان خصوصی شریک ہوئے، تقریب میں مختلف ممالک کے سفیروں، سفارتی عملے اور اراکین پارلیمان نے شرکت کی۔
تقریب سے خطاب میں اسپیکر قومی اسمبلی اسد قیصر کا کہنا تھا کہ آزربائیجان کے مقبوضہ علاقوں کی آزادی پر آزربائیجانی عوام و حکومت مبارکباد کے مستحق ہیں۔ ہمارے آزربائیجان کے ساتھ تعلقات مزید مضبوطی کی جانب گامزن ہیں۔
ان کا کہنا تھا کہ مقبوضہ کشمیر پر بھرپور حمایت کے لیے آزربائیجان کی قیادت کا شکریہ ادا کرتے ہیں اور مسئلہ کشمیر کا حل صرف اقوام متحدہ قراردادوں کے تحت ممکن ہے۔
آزربائیجان کے سفیر خضر فرھادو نے کہا کہ پاکستان نے آزربائیجان کی سالمیت سے متعلق معاملات پر کھل کر آزربائیجان کا ساتھ دیا اور آزربائیجان بھی اقوام متحدہ قراردادوں کے مطابق مسئلہ کشمیر پر کھل کر پاکستان کی حمایت کرتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News