سرمایہ کاری کے لیے تیزی سے کام کررہے ہیں، وفاقی وزیر منصوبہ بندی

اسفا سروت

23rd Oct, 2021. 09:34 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سرمایہ کاری کے لیے تیزی سے کام کررہے ہیں، وفاقی وزیر منصوبہ بندی

وفاقی وزیر منصوبہ بندی اسد عمر نے کہا ہے کہ سرمایہ کاری کے لیے تیزی سے کام کر رہے ہیں۔

تفصیلات کے مطابق وفاقی وزیر منصوبہ بندی اسد عمر نے پاکستانی سفارت خانے میں پریس کانفرنس کرتے ہوئے کہا کہ پچھلے سال ترقیاتی اخراجات 100 فیصد ہوئے، پچھلے سال ترقیاتی بجٹ 600 ارب روپے تھا، اخراجات زیادہ ہوئے۔

وفاقی وزیر کا کہنا ہے کہ پچھلے 2 سے 3 ماہ میں 200 ارب روپے کے پروجیکٹس کی منظوری دی، سرمایہ کاری کے لیے تیزی سے کام کر رہے ہیں، پاکستان میں چلنے والی نجی شعبے کی کمپنیوں سے متعلق بھی بات چیت ہوئی ہے۔

اسد عمر نے کہا ہے کہ پاکستان پر امن اور مستحکم افغانستان کا خواہاں ہے، افغانستان میں پائیدار استحکام شمولیتی حکومت سے ہی آئے گا، ہم بھی افغانستان میں شمولیتی حکومت کے خواہش مند ہیں، بد قسمتی سے دو سپر پاورز نے افغانستان میں قبضہ کیا۔

وفاقی وزیر منصوبہ بندی اسد عمر نے مزید کہا ہے کہ 40 سالہ افغان جنگ سے پڑوسی ممالک کو بھی نقصان پہنچا، 40 سالہ افغان جنگ سے پڑوسی ممالک کو بھی نقصان پہنچا، 90 کی دہائی میں افغانستان کو چھوڑ کر غلطی کی گئی، امید ہے افغانستان پر دنیا 90 کی دہائی کی غلطی نہیں دہرائے گی۔