قومی کرکٹ ٹیم کو بھارت کےخلاف تاریخی فتح پر مبارکباد کی قرارداد پنجاب اسمبلی میں جمع کرائی گئی ہے۔

تفصیلات کے مطابق قرارداد مسلم لیگ (ن) کی رکن اسمبلی سمیرا کومل کی جانب سے جمع کرائی گئی ہے۔

اسمبلی میں جمع کرائی گئی قراردار کے متن میں درج ہےکہ یہ ایوان قومی کرکٹ ٹیم کو بھارت کےخلاف تاریخی جیت پر مبارکباد پیش کرتا ہے، پاکستان کی کرکٹ ٹیم نے شاندار فتح سے پوری قوم کے دل جیت لیے ہیں۔

قرار دار کے متن کے مطابق روایتی حریف بھارت کےلئے کل عبرتناک دن تھا، قومی کھلاڑیوں نے اجتماعی طور محنت کرکے ٹیم کو کامیابی دلائی، یہ ایوان امید کرتا ہے کہ قومی کرکٹ ٹیم پاکستان کو دوسری بار ٹی ٹونٹی ورلڈ کپ کا چمپئین بنائے گا۔

متن میں مزید درج ہے کہ یہ ایوان قومی کرکٹ ٹیم کےلئے نیک خواہشات کا اظہار کرتا ہے۔

واضح رہےکہ گزشتہ روزٹی ٹوئنٹی ورلڈ کپ کے سپر 12 مرحلے کے چوتھے میچ میں پاکستان نے روایتی حریف بھارت کو شکست دے کر نئی تاریخ رقم کر دی ہے، پاکستان نے بھارت کو 10 وکٹوں سے عبرت ناک شکست دی۔

قومی کرکٹ ٹیم کے کپتان بابر اعظم نے ٹاس جیت کر پہلے باؤلنگ کا فیصلہ کیا ، بھارتی بیٹسمینوں کا آغازہی مایوس کن تھا، بھارتی اوپنرپاکستانی بولر شاہین شاہ آفریدی کے سامنے بے بس نظر آئے۔

بھارتی ٹیم نے پہلے بیٹنگ کرتے ہوئے 151 رنز بنائے، کپتان ویرات کوہلی نے شاندار اننگ کھیلتے ہوئے 57 رنز بنائے اور شاہین شاہ آفریدی کی گیند پر آؤٹ ہوئے،

ریشابھ پانٹ 39، سوریا کمار یاداو اور ہاردک پانڈیا نے 11،11 رنز بنائے،رویندر جڈیجا،13 جبکہ تجربہ کار بیٹسمین روہٹ شرما صفر پر پویلین لوٹ گئے۔

پاکستان کی جانب سے شاہین شاہ آفریدی نے عمدہ باؤلنگ کرتے ہوئے بھارت کے 3 کھلاڑیوں کو پویلین کی راہ دکھائی، حسن علی نے 2 وکٹیں حاصل کی جبکہ شاداب خان اور حارث رؤف نے 1،1 وکٹ حاصل کی۔

152 رنز کے تعاقب میں پاکستانی اوپنر کپتان بابر اعظم اور محمد رضوان نے جارحانہ آغاز کیا اور بھارتی باؤلرز کی درگت بنادی۔

Pakistan team received a warm reception at the team hotel last night, the squad also celebrated fielding coach Abdul Majeed’s birthday.#WeHaveWeWill pic.twitter.com/Go3EdQ7g2I

— Pakistan Cricket (@TheRealPCB) October 25, 2021

کپتان بابر اعظم نے شاندار اننگ کھیلتے ہوئے 52 گیندوں پر ناقابل شکست 68 رنز بنائے ان کی اننگ میں 2 چھکے اور 6 چوکے شامل تھے۔

کپتان بابر اعظم کا ساتھ دیتے ہوئے محمد رضوان نے جارحانہ اننگ کھیلتے ہوئے 55 گیندوں پر ناقابل شکست 79 رنز اسکور کئے، ان کی اننگ میں 3 چھکے اور 6 چوکے شامل تھے۔

قومی کرکٹ ٹیم کے کپتان بابر اعظم اور محمد رضوان کی بدولت پاکستان نے بھارت کو عبرت ناک شکست دے کر تاریخ رقم کردی ہے۔

پاکستان کی جیت کے بعد پاکستان بھر میں خوشی کا سماء ہے شائقین کرکٹ کی جانب سے مٹھائیاں اور مبارکباد پیش کی جا رہی ہے۔

کپتان بابر اعظم اور محمد رضوان نے پاکستان کے لئے ٹی ٹوئنٹی میں ریکارڈ پارٹنرشپ قائم کر دی ہے۔

Record breakers 🏏@iMRizwanPak and @babarazam258 posted the highest first-wicket partnership in Men’s #T20WorldCup history in #Pakistan‘s momentous win 💪

Advertisement

Read more 👉 https://www.bolnews.com/urdu/latest/2021/10/295740/amp/#INDvPAK pic.twitter.com/NOyVY1ivyD

— ICC (@ICC) October 25, 2021

پاکستان ورلڈکپ 1992سے 2019 تک بھارت سےکبھی نہیں جیتاتھا، 11 ورلڈکپ ایونٹس کے 12میچزمیں شکست کےبعدجیت کی تاریخ رقم کی گئی۔