وکلاء ہمارے معاشرے کا اہم جز ہیں، چودھری پرویزالٰہی

انوشہ شیخ

03rd Oct, 2021. 03:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وکلاء ہمارے معاشرے کا اہم جز ہیں، چودھری پرویزالٰہی

اسپیکر پنجاب اسمبلی چودھری پرویزالٰہی کا کہنا ہے کہ وکلاء ہمارے معاشرے کا اہم جز ہیں۔

تفصیلات کے مطابق اسپیکر پنجاب اسمبلی چودھری پرویزالٰہی اور وفاقی وزیر برائے ہاؤسنگ طارق بشیر چیمہ سے حاجی محمد افضل دھرالہ چیئرمین ایگزیکٹو کمیٹی پنجاب بار کونسل، فرحان شہزاد وائس چیئرمین پنجاب بار کونسل اور میاں عبدالرحمن غفوریا ایڈووکیٹ کی ملاقات ہوئی ہے۔

چودھری پرویزالٰہی کا کہنا ہے کہ وکلاء برادری انصاف کی فراہمی کیلئے جدوجہد کر رہی ہے، ہم اس جدوجہد میں ان کے ساتھ ہیں۔

ان کا کہنا تھا کہ پہلی بار ہمارے دور میں تحصیل سطح تک بار ایسوی ایشنز کو اہمیت دی گئی ہے، وکلاء کی فلاح و بہبود کیلئے فنڈز مختص اور ان کیلئے تاریخی اعلانات کیے گئے ہیں۔

چودھری پرویزالٰہی نے کہا کہ وکلاء کیلئے فری میڈیکل کی سہولت، بائی پاس اور دل کا علاج بھی فری کرنے کا انتظام کیا گیا ہے، وکلاء برادری کیلئے ہاؤسنگ سوسائٹی جیسے منصوبے بھی شروع کیے گئے ہیں۔

وکلاء رہنما کا کہنا تھا کہ چودھری پرویزالٰہی کی وکلاء کیلئے خدمات کی وجہ سے وکلاء برادری ہمیشہ آپ کو قدر کی نگاہ سے دیکھتی رہے گی۔