صفائی کے انتظامات پر کوئی سمجھوتہ نہیں ہوگا، عثمان بزدار

انوشہ شیخ

07th Oct, 2021. 03:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صفائی کے انتظامات پر کوئی سمجھوتہ نہیں ہوگا، عثمان بزدار

وزیراعلیٰ پنجاب سردار عثمان بزدار کا کہنا ہے کہ صفائی کے انتظامات پر کوئی سمجھوتہ نہیں ہوگا۔

تفصیلات کے مطابق وزیراعلیٰ پنجاب سردار عثمان بزدار نے حضرت داتا گنج بخشؒ فلائی اوور پراجیکٹ کا سنگ بنیاد رکھنے کی تقریب کے بعد شہر کی مختلف سڑکوں کا دورہ کیا ہے اور بھاٹی گیٹ، داتا گنج بخش ؒ کے مزار، مزنگ، لٹن روڈ اوردیگر سڑکوں پر صفائی کے انتظامات کاجائزہ لیا ہے۔

انہوں نے متعلقہ حکام کو صفائی کے انتظامات کو بہتر بنانے کا حکم دیتے ہوئے کہا ہے کہ سڑکوں کے گرد کوڑا کرکٹ کو فوری طور پر اٹھایا جائے۔

عثمان بزدار نے کہا کہ صفائی کے انتظامات پر کوئی سمجھوتہ نہیں ہوگا، آئندہ صفائی کے حوالے سے شکایت سامنے آئی تو غفلت کے ذمے داروں کے خلاف کارروائی ہو گی۔

واضح رہے کہ عثمان بزدار کی جانب سے لاہور ویسٹ مینجمنٹ کمپنی کے حکام اورڈپٹی کمشنر لاہورکی کارکردگی پرناراضگی کا اظہار کیا گیا ہے۔