راولپنڈی میں ڈینگی بے قابو ہو گیا ہے ، گزشتہ 24 گھنٹوں میں مزید 41 شہری ڈینگی بخار میں مبتلا ہوچکے ہیں۔
تفصیلات کے مطابق راولپنڈی ڈینگی مچھر سے سب سے زیادہ متاثر ہونے والا ضلع بن چکا ہے، گزشتہ 24 گھنٹوں میں مزید 41 شہری ڈینگی بخار میں مبتلا ہوچکے ہیں۔
ذرائع کے مطابق ملک بھر میں ڈینگی کے حملوں میں دن بہ دن اضافہ دیکھا جا رہا ہے ،تا زہ ترین اطلاعات کے مطابق راولپنڈی میں مجموعی مریضوں کی تعداد 565 ہوگئی جبکہ ہولی فیملی میں15، بینظیر بھٹواستپال میں 19مریض لائے گئے، ڈی ایچ کیو میں بھی 7 مریض داخل ہوئے ہیں۔

جبکہ دوسری جانب لاہور میں ڈینگی کی صورتحال تشویشناک بتائی جارہی ہے، سرکاری اسپتالوں کے 90 فیصد بیڈز بھرگئے ہیں۔

فوکل پرسن برائے ڈینگی کا کہنا ہے کہ ڈینگی مریضوں کو پرائیویٹ اسپتالوں کی جانب بھجا جارہا ہےکیوںکہ گنگا رام اسپتال میں ڈینگی کے مریضوں کے لیے جگہ ختم ہوگئی ہے۔

انکا کہنا تھا کہ جناح اسپتال میں 63 بیڈز میں 58 پر مریض موجود ہیں، سروسز اسپتال میں 46 میں سے صرف 5بیڈز خالی جبکہ میو اسپتال میں ڈینگی کے 80 میں سے صرف 20 بیڈز خالی ہے۔

واضح رہے کہ ڈینگی کے کیسز میں اضافے پر ایکسپو فیلڈ اسپتال کو 2 گھنٹے کےنوٹس پر فعال کردیا جائے گا۔