وفاقی وزیر خسرو بختیار نے کہا ہے کہ نئی پالیسی میں لیبر سے متعلق قانون کو آسان کیا جا رہا ہے۔

تفصیلات کے مطابق وفاقی وزیر خسرو بختیار کے زیرِ صدارت ایس ایم ای پر نیشنل کوآرڈینیشن کمیٹی کا ورچوئل اجلاس ہوا جبکہ وفاقی وزیر خسرو بختیار نے مائیکرو فنانس بینک کے نمائندگان سے بھی ورچوئل میٹنگ کی۔

دونوں اجلاس میں مجوزہ نیشنل ایس ایم ای پالیسی کے مختلف پہلوؤں کا جائزہ لیا گیا۔

اجلاس کی صدارت کرتے ہوئے وفاقی وزیر خسرو بختیار نے کہا کہ ایس ایم ایز کو فروغ دینے کیلئے جامع پالیسی مرتب کی جا رہی ہے، نئی پالیسی کے تحت ایس ایم ای کارڈز کا اجراء کیا جائے گا۔

خسرو بختیار نے کہا کہ نئی پالیسی میں لیبر سے متعلق قانون کو آسان کیا جا رہا ہے جبکہ نئی ایس ایم ایز کیلئے زیرو این او سی سسٹم متعارف کروایا جا رہا ہے۔

وفاقی وزیر خسرو بختیار نے  مزید کہا کہ ایس ایم ایز کو سیپشل اکنامک زون میں رینٹل لیز ماڈل پر ذمین دی جائے گی جبکہ ایس ایم ای پالیسی کے تحت مائیکرو فنانسگ کو بھی بڑھایا جائے گا۔

واضح رہے اس سے قبل وفاقی وزیر برائے صنعت وپیداوار خسرو بختیار نے کہا تھا کہ پاکستان تحریک انصاف معیشت میں خواتین کو بااختیاربنانا چاہتی ہے ، ہم ہر شعبہ زندگی میں خواتین کی شمولیت چاہتے ہیں۔

انہوں نے کہا تھا کہ خواتین انٹر پرینیورز کیلئے کاروبار میں آسانیاں پیدا کر رہے ہیں ، ہم اپنی ایس ایم ای پالیسی میں خواتین کی شمولیت کیلئے اقدامات کریں گے ، خواتین اپنی تجاویز دیں کہ ہم ایس ایم ای پالیسی میں انکے لیے کیا اقدامات اٹھائیں۔

خسرو بختیار نے کہا تھا کہ جن کمپنیوں کی 51 فیصد شیئر ہولڈرز خواتین ہیں انکو ٹیکس میں بہت سی سہولیات دی ہیں ، ایس ایم ای پالیسی میں ہم ایکشن پلان کیطرف بھی جائیں گے ، ریگولیٹری رکاوٹوں کو ہم کم کرنے کیطرف جا رہے ہیں۔

وفاقی وزیر برائے صنعت وپیداوار خسرو بختیار نے کہا تھا کہ ٹیکس کی پیچیدگیوں کو ہم کم کر رہے ہیں ، ہم نے ٹیکسز کو کم کیا ہے اور ٹیکس کا پرفارما بھی آسان کیا ہے ، ای او بی آئی قوانین میں بھی ہم نے آسانیاں کی ہیں۔