جرمنی میں پاکستانی سفیر ڈاکٹر محمد فیصل کا کہنا ہے کہ عمر شریف کے اہل خانہ اور احباب سے گہری تعزیت کرتے ہیں۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں ڈاکٹر محمد فیصل نے لکھا ہے کہ نہایت تاسف سے بتایا جاتا ہے کہ عمر شریف جرمنی میں انتقال کر چکے ہیں۔

With deep sorrow it is announced that Mr. Umer Sharif has passed away. In #Germany. Our deepest condolences to hie family and friends. Our CG is present at the hospital to assist the family in every way.

— Dr Mohammad Faisal (@DrMFaisal) October 2, 2021

 ڈاکٹر محمد فیصل نے لکھا کہ پاکستان کے قونصل جنرل ہسپتال میں موجود ہیں تاکہ عمر شریف کے اہل خانہ کی ہرممکن مدد کی جا سکے۔

 واضح رہے کہ لیجنڈری کامیڈین عمر شریف آج جرمنی میں انتقال کرگئے ہیں۔

یاد رہے کہ عمر شریف عارضہ قلب اور دیگر مختلف بیماریوں میں مبتلا تھے، وہ گزشتہ کئی ہفتوں سے کراچی کے نجی ہسپتال میں زیر علاج تھے اور کچھ دن قبل ہی علاج کے لیے امریکہ روانہ ہوئے تھے۔

 عمر شریف کو علاج کے لیے امریکی دارالحکومت واشنگٹن پہنچایا جانا تھا، جہاں معروف پاکستانی اداکارہ ریما خان کے شوہر اور ماہر امراض قلب ڈاکٹر طارق شہاب نے ان کے علاج کے لیے جارج واشنگٹن یونیورسٹی ہسپتال میں انتظامات کر رکھے تھے۔

واضح رہے کہ عمر شریف19 اپریل1955 کو پیدا ہوئے تھے،عمرشریف نے اپنے کیریئر کا آغاز1974 میں14 سال کی عمر میں اسٹیج اداکاری سے کیا تھا۔

اسکے علاوہ  عمرشریف کو بہترین اداکار اورڈائریکٹر کا ایوارڈ1992میں دیا گیا تھا،عمرشریف کوبہترین کارکردگی پرتمغہ امتیاز سے بھی نوازا گیا تھا۔