وزیر مملکت برائے اطلاعات و نشریات فرخ حبیب نے کہا ہے کہ ملک کو چلانے کے لیے ٹیکس کی ضرورت پڑتی ہے۔

تفصیلات کے مطابق وزیر مملکت برائے اطلاعات و نشریات فرخ حبیب نے تاجروں کی تقریب سے خطاب کرتے ہوئے کہا کہ موجودہ حکومت کی خاص پالیسی ہے کہ ایف بی آر کی حراساں پالیسی کو ختم کیا جائے۔

فرخ حبیب کا کہنا تھا کہ ہماری کوشش ہے کہ ایف بی آر میں ہیومن انٹروینشن کم کی جا سکے، ہم لوگ یہاں کے تاجروں کو وزیر خزانہ اور گورنر اسٹیٹ بنک کے ساتھ بٹھائیں گے۔

وزیر مملکت برائے اطلاعات و نشریات نے کہا کہ ملک کو چلانے کے لیے ٹیکس کی ضرورت پڑتی ہے، ہم ایف بی آر میں اصلاحات لے کر آرہے ییں۔

 فرخ حبیب نے یہ بھی کہا کہ بینکوں کی جانب سے ایس ایم ایز کو بہت کم قرضہ دیا جا رہا ہے جبکہ اسٹیٹ بینک کمرشل بینکوں کو ہول سیل قرضہ فراہم کر رہے ہیں۔

تقریب سے خطاب وزیر مملکت برائے اطلاعات و نشریات فرخ حبیب نے مزید کہا کہ ہم ایس ایم ایز کے حوالے سے بھی پالیسی بنا رہے ہیں، اس پالیسی کے تحت ہم چھوٹے کاروباری افراد کو سہولیات دیں گے۔

واضح رہے اس سے قبل وزیر مملکت اطلاعات و نشریات فرخ حبیب نے سماجی رابطے کی ویب سائٹ ٹویٹر پر اپنے ایک پیغام میں کہا تھا کہ ایف بی آر نے رواں مالی سال 1395 ارب روپے کا نیٹ ریونیو حاصل کیا ہے۔

FBR رواں مالی سال پہلی سہ ماہی میں 1395 ارب روپے کا نیٹ ریونیوحاصل کیا ہے جو کہ اس عرصہ کے مقر ر کردہ ہدف 1211ارب روپے سے 186ارب زائد ہے۔
ماہ ستمبرمیں ریونیو نیٹ کولیکشن 535ارب روپے رہا جو کہ پچھلے سال ستمبرکے حاصل کردہ نیٹ ریوینیو408 ارب روپے کے مقابلے میں31.2 فیصد زائد ہے۔

— Farrukh Habib (@FarrukhHabibISF) October 1, 2021

وزیر مملکت اطلاعات و نشریات فرخ حبیب کا کہنا تھا کہ ایف بی آر نے رواں مالی سال پہلی سہ ماہی میں 1395 ارب روپے کا نیٹ ریونیو حاصل کیا ہے جو کہ اس عرصہ کے مقرر کردہ ہدف 1211 ارب روپے سے 186 ارب زائد ہے۔

 اپنے پیغام میں وزیر مملکت فرخ حبیب کا مزید کہنا تھا کہ ماہ ستمبر میں ریونیو نیٹ کولیکشن 535 ارب روپے رہا جو کہ پچھلے سال ستمبر کے حاصل کردہ نیٹ ریونیو 408 ارب روپے کے مقابلے میں 31.2 فیصد زائد ہے۔