تاریخ میں پہلی مرتبہ صاحبِ اقتدار قانون کے سامنے جوابدہ ہوئے، ڈاکٹر شہباز گِل

شہباز احمد

07th Oct, 2021. 01:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

تاریخ میں پہلی مرتبہ صاحبِ اقتدار قانون کے سامنے جوابدہ ہوئے، ڈاکٹر شہباز گِل
پاکستان غزہ جنگ بندی معاہدے پر عمل درآمد کیلئے واضح موقف پیش کرے گا، دفترخارجہ
مشرف علی زیدی عالمی میڈیا کےلئے ترجمان وزیراعظم مقرر، عطا اللہ تارڑ کی تصدیق ، نو ٹیفکیشن جاری
پنجاب اسمبلی کا 34 واں اجلاس کل شروع ہوگا، اہم بلز اور حکومتی امور پر بحث متوقع

Now Reading:

تاریخ میں پہلی مرتبہ صاحبِ اقتدار قانون کے سامنے جوابدہ ہوئے، ڈاکٹر شہباز گِل

معاون خصوصی برائے سیاسی ابلاغ ڈاکٹر شہباز گِل نے کہا ہے کہ تاریخ میں پہلی مرتبہ صاحبِ اقتدار قانون کے سامنے جوابدہ ہوئے۔

تفصیلات کے مطابق معاون خصوصی برائے سیاسی ابلاغ ڈاکٹر شہباز گِل نے شاہد خاقان عباسی اور خواجہ آصف کی پریس کانفرنس پر ردعمل دیتے ہوئے کہا ہے کہ نااہل درباریوں کی پریس کانفرنس احتساب کے عمل کو سبوتاژ کرنے کی ناکام کوشش ہے۔

انہوں نے کہا کہ نیب اور احتساب نااہلوں کے حواس پر چھائے ہوئے ہیں ، ترمیمی آرڈیننس میں انکی پریشانی صرف روزانہ کی بنیاد پر ٹرائل کی تجویز سے ہے ، نااہل ترمیمی بل میں 6 ماہ کے اندر فیصلے سنانے کی تجویز سے بھی حواس باختہ ہیں۔

ڈاکٹر شہباز گِل نے کہا کہ نااہلوں نے پہلے احتساب کو متنازع کرنے کی کوشش کی ، انکی بھرپور کوشش رہی کہ احتساب کے عمل کو کمزور اور سست کیا جائے ، انکی ہر کوشش کو ناکام بنایا جائے گا۔

معاون خصوصی برائے سیاسی ابلاغ ڈاکٹر شہباز گِل نے کہا کہ قانون شکن کو قانون کے تابع لایا جاتا رہے گا ، تاریخ میں پہلی مرتبہ صاحبِ اقتدار قانون کے سامنے جوابدہ ہوئے۔