پاکستان میڈیکل کمیشن کی نااہلی سامنے آگئی

راو محمد افنان

14th Oct, 2021. 09:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان میڈیکل کمیشن کی نااہلی سامنے آگئی

پاکستان میڈیکل کمیشن کی نااہلی کے باعث ایک لاکھ سے زائد طلباء کا مستقبل تاریک ہو گیا۔

تفصیلات کے مطابق میڈیکل جامعات میں داخلہ دینے والے امیدواروں کا نتیجہ تاحال مسلسل تبدیل ہو رہا ہے، پورٹل پر کبھی امیدواروں کو کامیاب تو کبھی ناکام قرار دیا جاتا ہے، والدین اور طلباء تذبذب کا شکار ہے۔

پاکستان میڈیکل کمیشن کے تحت میڈیکل جامعات کے داخلے ٹیسٹ میں ملک بھر سے 64 فیصد طلباء کو ناکام قرار دیا گیا جبکہ ایم ڈی کیٹ داخلہ ٹیسٹ میں ملک بھر سے کامیابی کا تناسب 35.4 فیصد رہا۔

پی ایم سی میڈیکل جامعات داخلہ ٹیسٹ میں 1 لاکھ 94 ہزار ایک سو 33 امیدواروں میں سے ایک لاکھ 25 ہزار 4 سو 53 طلباء کو ناکام قرار دیا گیا جبکہ ملک بھر سے 68 ہزار 680 طلباء کو کامیاب قرار دیا گیا۔

پنجاب سے 42.84 فیصد,سندھ سے 22.37 فیصد,خیبر پختون خواہ سے 29.32 فیصدجبکہ بلوچستان سے 21.12 فیصد طلباء کو کامیاب قرار دیا گیا ۔

اسلام آباد سے 46.26 فیصد جبکہ گلگت سے 35.21 فیصد اور آزاد جموں کشمیر سے 38.13 طلباء کو کامیاب قرار دیا گیا۔

سندھ کے 34 ہزار سے زائد امیدواروں میں 7 ہزار 7 سو 97 امیدواروں کو کامیاب قرار دیا گیا۔