پاک افغان میچ: دبئی اسٹیڈیم میں بغیر ٹکٹ شائقین کی داخلے کی کوشش

سعدیہ شمیم

30th Oct, 2021. 10:15 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک افغان میچ: دبئی اسٹیڈیم میں بغیر ٹکٹ شائقین کی داخلے کی کوشش

انٹرنیشنل کرکٹ کونسل (آئی سی سی )کا کہنا ہے کہ دبئی میں پاکستان اور افغانستان کے درمیان میچ کے دوران ہزاروں افراد بغیر ٹکٹ اسٹیڈیم آگئے جس کی وجہ سے کئی تماشائی ٹکٹ کے باوجود بھی گراؤنڈ میں نہ آسکے ۔
تفصیلات کے مطابق آئی سی سی نے ایمریٹس کرکٹ سے بغیر ٹکٹ افغان شائقین کے داخلے کی تحقیقات کا اعلان کردیا ہے۔
آئی سی سی کا اعلامیہ کے مطابق دبئی میں پاکستان اور افغانستان کے میچ کیلئے 16ہزار ٹکٹس جاری کیے گئے مگر ہزاروں کی تعداد میں بغیر ٹکٹ کے فینز نے اسٹیڈیم میں زبردستی داخل ہونے کی کوشش کی ۔
آئی سی سی نے اسٹیڈیم میں کنفرم ٹکٹ والے شائقین جنہیں داخلہ نہ ملا ان افراد کے ٹکٹس ری فنڈ کرنے کا بھی کا اعلان کیا ہے۔
آئی سی سی نے بتایا کہ دبئی پولیس اور سیکیورٹی اسٹاف نے اسٹیڈیم کو محفوظ بنانے کیلئے 7 بجے دروازے بند کئے اور اسٹیڈیم کو محفوظ بنایا، کراوڈ کو منتشر کرنے اور صورتحال پر قابو پانے کیلئے اضافی وسائل استعمال کیے۔

آئی سی سی نے کہا کہ اماراتی بورڈ مستقبل کیلئے گزشتہ روز کے واقعات کی مکمل چھان بین کرے۔
آئی سی سی نے مزید کہا کہ اتھارٹیز کے ساتھ مل کر کوشش ہوگی کہ ایسا واقعہ دوبارہ پیش نہ آئے۔
آئی سی سی، بی سی سی آئی اور ای سی بی ٹکٹ رکھنے والے شائقین سے معذرت کرتے ہوئے کہا کہ اسٹیڈیم میں کنفرم ٹکٹ والے شائقین جنہیں داخلہ نہ ملا وہ افراد آئی سی سی رابطہ کریں۔
واضح رہے کہ گزشتہ روز آئی سی سی مینز ٹی ٹوئنٹی ورلڈ کپ کے سپر 12 مرحلے میں گروپ 2 کے میچ میں پاکستان نے آصف علی کے 4 چھکوں کی بدولت افغانستان کو 5 وکٹوں سے شکست دی۔