قومی کرکٹ  ٹیم کے مڈل آرڈر بیٹسمین آصف علی نے ایک اوور میں میچ ختم کرنے کا پہلے ہی کہہ دیا تھا۔

تفصیلات کے مطابق دبئی میں افغانستان کے خلاف 19ویں اوور میں 4 چھکے لگانے والے آصف علی نے انکشاف کیا ہے کہ انہوں نے ایک اوور میچ ختم کرنے کا شعیب ملک سے کہہ دیا تھا۔

گرین شرٹس کو افغانستان کے خلاف ٹی ٹوئنٹی ورلڈ کپ کا میچ جتوانے والے آصف علی نے کہا کہ میں نے ایک اینڈ ٹارگٹ کیا تھا، اُس طرف سے چھکے لگانے تھے۔

آصف علی نے مزید کہا کہ بیٹنگ کے لیے جاتے ہوئے صورتحال دیکھتا ہوں، شعیب ملک سے کہا تھا کہ میں ایک اوور میں میچ ختم کردوں گا۔

آصف علی نے افغانستان کے خلاف 7 گیندوں پر ناقابل شکست 25 رنز بنائے اور شاندار بیٹنگ پر میچ کے بہترین کھلاڑی قرار پائے۔

دوسری جانب آصف علی نے سماجی رابطے کی ویبسائٹ ٹویٹر پر جاری اپنے بیان میں کہا کہ  اور کوئی حکم پاکستان؟

Aur koi hukam Pakistan? Shukriya @isbunited aur woh sub log jinho ne mere per belief rakha mere mushkil waqt mai. #PakistanZindabad

— Asif Ali (@AasifAli2018) October 29, 2021

آصف علی نے لکھا کہ  میں ان لوگوں کا شکریہ ادا کرتا ہوں جنہوں نے معرے مشکل وقت میں مجھ پر بھروسہ رکھا۔