ٹی ٹوئنٹی ورلڈ کپ 2021ء کے لیے قومی اسکواڈ میں شامل ہونے والے سابق کپتان سرفراز احمد قذافی اسٹیڈیم میں یہ خوشخبری سُن کر خوشی سے جھوم اٹھے۔

تفصیلات کے مطابق  سماجی رابطے کی ویبسائٹ ٹویٹر پر ایک صارف نے ویڈیو شیئر کی جس میں دیکھا جا سکتا ہے کہ   سرفراز احمد اپنا نا م ٹی ٹوئنٹی ورلڈ کپ کے 15 رکنی اسکواڈ میں آنے پر کتنا خوش ہیں اور ساتھی کھلاڑی مبارکباد دیتے ہوئے انہیں گلے لگا رہے ہیں۔

https://twitter.com/FaizanKhan_152/status/1446542580548837376?ref_src=twsrc%5Etfw%7Ctwcamp%5Etweetembed%7Ctwterm%5E1446542580548837376%7Ctwgr%5E%7Ctwcon%5Es1_&ref_url=https%3A%2F%2Fjang.com.pk%2Fnews%2F995906

گراؤنڈ کی بڑی اسکرین پر قومی ٹیم کے اسکواڈ کا اعلان کیا گیا جس میں سرفراز احمد کا نام بھی شامل تھا،بڑی اسکرین پر اپنا نام دیکھ کر سرفراز احمد کی خوشی دیکھنے کے قابل تھی۔

یاد رہے کہ 2019ء میں ہونے والے ون ڈے کرکٹ ورلڈ کپ کے بعد سے سرفراز احمد کو قومی کرکٹ ٹیم کی کپتانی سے ناصرف ہٹا دیا گیا تھا بلکہ ٹیم سے ڈراپ بھی کیا گیا تھا جس کے بعد سے وہ قومی اسکواڈ میں اِن اور آؤٹ ہوتے رہتے ہیں۔

اب گزشتہ روز ٹیم منیجمنٹ کی مشاورت کے بعد اسکواڈ میں تین تبدیلیاں کرکے حیدر علی، فخر زمان اور سرفراز احمد کو 15رکنی اسکواڈ میں شامل کیا گیا ہے۔