پاکستان میں کورونا سے مزید 29 افراد انتقال کر گئے

انوشہ شیخ

09th Oct, 2021. 09:26 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان میں کورونا سے مزید 29 افراد انتقال کر گئے

عالمی وباء کی بڑھتی ہوئی صورتحال کے پیش نظر ملک بھر میں کورونا سے مزید 29 افراد انتقال کر گئے ہیں۔

این سی او سی کے جاری کردہ نئے اعداد و شمار کے مطابق گزشتہ 24 گھنٹوں کے دوران کورونا کے مزید 9 سو 55 نئے کیسز رپورٹ ہوئے ہیں۔

این سی او سی نے مزید بتایا کہ گزشتہ 24 گھنٹوں کے دوران ہی 44 ہزار 557 کورونا ٹیسٹ بھی کیے گئے ہیں۔

واضح رہے کہ ملک بھر میں کورونا مثبت کیسز کی شرح 2.14 فیصد ہو گئی ہے۔

یاد رہے کہ نیشنل کمانڈ اینڈ آپریشن سینٹر (این سی او سی) نے سوشل میڈیا سائٹ ٹوئٹر پر ویکسین نہ لگوانے والوں کے لیے انتباہ جاری کرتے ہوئے کہا ہے کہ ویکسین نہ لگوانے والوں پریکم اکتوبر سے مختلف سہولیات کی بندش کی جائے گی، ویکسی نیشن کا عمل جلد ازجلد مکمل کروائیں اورزندگی بحال رکھیں۔

کورونا ویکسین نہ لگوانے والوں پر یکم اکتوبر سے فضائی سفر پربھی پابندی ہوگی، اس کے علاوہ جو لوگ کورونا کی ویکسین نہیں لگوائیں گے وہ شادی کی تقریبات اور شاپنگ مالز میں بھی نہیں جاسکیں گے۔۔

ویکسینیشن نہ کرانےوالوں کو پارک اور جم جانے کی اجازت بھی نہیں ہوگی اور ان افراد کو ڈائن ان اور ڈائن آؤٹ کی اجازت بھی نہیں ہو گی۔